بعض أفضل مواقع التعليم المجاني (لأي مادة أو فرع أو مهارة.)

إستهلال البوست يجب أن يكون بهذا القسم الرائع من موقع Open Culture وهو عبارة عن كورسات عن تقريبًا أي مادة تتخيلها من أكبر جامعات العالم مرتبة بشكل رائع جدًا وطبقــًا للتخص أو الشيء.
.

وهنا قسم آخر من نفس الموقع عن تعلم 48 لغة (شاملين كل لغات العالم الكبيرة والمعروفة.)

.

باقي الموقع:

• Khan Academy-

 موقع تعليمي يحوي فيديوهات في مواد علمية كتيرة ويهدف لتعلم المبادئ بدون تفصيل تقني متوسع جدًا في المادة وأيضًا فيه المواد العلمية مقسمة لفروع (يعني مثلاً البيولوجي مقسمة لتطور وتمثيل ضوئي وجينيات والفروع المختلفة في أكن مختلفة.) 
.

• Coursera :

 الموقع دا من أكبر المواقع وقواعد البيانات للتعليم المجاني وبمناهج منتظمة ومتابعة مع المدرس وأيضًا جزء أساسي منه الإلتزام. 
.

• CosmoLearning :

 الموقع بيعمل تجميعة من المواقع الأخرى في تعلم أي مادة في كل المواد والمواضيع تقريبًا ويعتمد بشكل أساسي على فيديوز من مواقع أخرى وشامل وجامع لأغلب المواد ولكنه مش كورس رسمي أو موجه، هو مجموعة فيديوز تعليمية فالمستخدم هيكون ليه الدور الأكبر أيضًا في تحديد إيه فين.
.

•. EdX :

 موقع بيوفر كورسات من جامعات كتيرة جدًا كبيرة ومميزة وإختلافه مع باقي مواقع التعليم الأونلاين هو طول المحتوى. لما بتسجل انت بتلتزم بوقت المحاضرة والواجبات وما إليه. لو بتدور على موقع تتعلم عليه على راحتك وبالرتم المناسب ليك، فالسايت دا غالبًا مش ليك، السايت دا جزء منه إلتزام.

.
• Udemy :

 الموقع دا بيوفر كورسات من خبراء محترفين في مواد كتير منها البرمجة مثلاً وإزاي تطور محتوى لفيسبوك أو قواعد بيانات SQL أو فوتوشوب أو النظرية الموسيقية أو البيزينس وغيرهم كتير. الموقع دا بيتيح لخبراء عاديين إنهم يعملوا دروسهم، ولذلك لازم تركز في إنتقاء المحتوى، ولكن فيه سيرة لكل معلم وجزء تقييم المستخدمين فيه بيقيموا الكورس ويدوا آراءهم عنه وعن المحاضرات.
.

• Udacity :

 الموقع دا بيتخصص في أغلبه في كورسات علوم الكمبيوتر وواجهة الموقع سهل جدًا التنقل فيها وفيه محاضرات فيديو 5 دقايق بإمتحانات بسيطة وواجبات ، كل شيء مجاني ومفيش كتب مطلوبة ولا غيره، وأيضًا الموقع بيوفر منتدى أونلاين الطلاب فيه يقدروا يذاكروا ويتعاونوا ويشتغلوا في جماعات مع بعضهم وعندهم طرق لو تحب تاخد شهادة أو إعتماد من الجماعات المشاركة وحتى ممكن تقدم سيرتك الذاتية وإنجازاتك لشركات مشاركة معاها، يعني بيحاول ينجحك على جميع المستويات.

LearnersTV-

تشكيلة من أروع الفيديوهات القصيرة في مجالات مختلفة في العلم والفنون والتصميم والبرامج وغيرهم

.
• كل وأي حاجة تحب تعرفها عن الرياضيات 
.
• كل وأي شيء تحب معرفته عن الفيزياء
.

• MIT Open Courseware-

من المعروف عن المعهد دا أنه من أقوى جامعات العالم على الإطلاق والكورسات بتاعته تحتوي على مادة تختبر قدرات حتى أذكى الطلاب. ممكن تحمل جميع المادة العلمية للكورس (إللي هي شبه مطابقة - بحسب وصف الموقع - للكورس إللي بيعطى في الواقع) وحتى بيديك تفاصيل الترم والسنة. الكورس دا نازل للتعلم الذاتي يعني لا يوجد إمكانية للتواصل مع آخرين وما إليه لأنه كان كورس كان نازل بطلب للمعهد.
.

• Carnegie Mellon Open Learning Initiative:

الموقع دا تصميمه قوي جدًا وفيه محتوى كبير جدًا بيشرح كل حاجة لكن لابد من عمل أكاونت لرؤية الكورسات ومثل كورسات أخرى كتيرة بيعتمد على تنظيم ذاتي للدراسة.
.

• UMass Boston Open Courseware-

الكورس دا بيقدم طيف عريض من المواد في أغلب فروع المعرفة وكل قسم فيه صفحة منفصلة بتوضح الحصص المتوفرة والمنهج والواجبات ووصف المدرس وقراءات مرشحة وما إليه، بس الكورس دا مراجعه ومادته مش مكثفة زي الجامعات الكبيرة الأخرى.
.

• Tufts Open Courseware:

كورس الجامعة دي برضو رائع ودايمًا بيقولوا إنهم مختلفين عن الدراسة التقليدية، والبروفيسورز هم إللي بيتحكموا فيما هو المجاني والمتاح للإستعمال، غياب الslides في الكورس دا، ممكن يجبرك إنك تبحث بنفسك شوية لو عايز تتعمق في الموضوع.
.

• Stanford on iTunes U :

كورس ستانفورد عالiTunes بيتيح لك تعمل subscription وتطلع على تحديثات الكورسات أو تعمل داونلوود للحاجات إللي تحب تشوفها.
.

• Google Code University :

دي بتقدم كورسات علوم كمبيوتر للناس المهتمة بالكودنج ولغات البرمجة، تضغط عالكورس إللي انت عايزه وكل المواد والفيديوز والدروس هتظهر على شريط جانبي، بس مفيش خيار إنك تتفاعل مع الآخرين على حد علمي.
.

• Webcast Berkeley :

الموقع دا بنيته والفورمات بتاعه بسيط، بتسمع سلسلة محاضرات البروفيسور درسها في الجامعة الأصلية، بس مفيهوش تفاصيل ولا تنظيم ولا غيره، فقط بتشاهد وتتعلم لنفسك، لو بتدور على تفصيل أو متابعات، فدا مش موقعك. 
.

• Utah State Open Courseware :

الكورس دا سهل البحث فيه وكل محاضرة فيه عبارة عن ملف صوتي وفايل html بتشرح الواجبات ووصف المحاضرة وما إليه. 
.

• Kutztown On-Demand Online Learning :

الكورس دا مركز بشكل أساسي على البيزينس والمحاسبة والأشياء المشابهة، لازم تملا إستطلاع قبل الدخول على الكورس ولكن مادته منظمة بشكل كويس جدًا وفيديوز قصيرة لكل مادة ومقسمة لأجزاء صغيرة تسمح لك تختار جزء معين بكل سهولة، ولكن بعيدًا عن الslides مفيش مادة معينة تختبر معرفتك بالمادة العلمية.
.

• USQ Australia Open Courseware :

الكورس دا محدد ب10 كورسات فقط وأغلبيتهم في التكنولوجيا. متقسم ومتنظم أونلاين مع تفاصيل المحاضرات والواجبات، إلخ. بس للأسف مفيش طريقة للتواصل مع الناس إللي بتاخد نفس الكورس.
https://www.usq.edu.au/open-practi…/open-education/using-oer
.

• University of California Irvine Courseware :

كورس من جامعة رائعة وميزته أنه بيوفر روابط لو عايز تاخد credit أكاديمي على ما درسته.
.

• New York University :

الموقع دا بيأرشف كورسات الرياضيات المعروضة من جامعة نيويورك، لما تضغط على كورس بيوجهك للمادة المتاحة كملفات PDF المحتوى بتاعه مثير جدًا ولكن التنظيم مش على نفس الدرجة.
.

• Open Yale Courses :

كورسات جامعة Yale من أكتر الكورسات الممتازة في المحتوى والتنظيم والشمول، ممكن تحملها كفايل مضغوط أو المشاهدة أونلاين، كل محاضرة ليها فيديو متسجل خلال محاضرة فعلية في الجامعة وتفريغ كتابي لكلام المحاضرة وكل فيديو منقسم لفصول ولذلك ممكن الرجوع ليه فيما بعد، مش شرط الإلتزام أو جلسة واحدة.
.

• Gresham College :

كورسات كويسة أيضًا من جامعة بريطانية، ممكن تحضر المحاضرات الماضية أو تستنى المحاضرات القادمة بس بمواعيد معينة.
.
• Notre Dame Open Courseware :
الجامعة عندها لستة شاملة بالكورسات الموجودة على موقعهم وتشرح المنهج والواجبات والفيديوز والإمتحانات لما تدخل على كورس فيه قايمة عالشمال بتسمح لك التنقل في محتوى الكورس. بس فيه بعض القراءات المطلوبة قبل كورسات معينة مما هيجبرك على التعمق في المادة أو شراء كتب منهم، الموقع منظم جدًا. 
.

• JHSPHOpen :

الكورسات هنا بتنزل كملفات MP3وكل محاضرات ليها جدول وتواريخ زمنية وقراءات للإستزادة والمنهج وإمتحان نهائي وأيضًا فيها مكان لإرسال رسائلك وتعليقاتك.
.

• Open UW :

كورسات كويسة من جامعة واشنطن ولكن بتتطلب تسجيل طويل بعض الشيء ولا أرشحها شخصيًا لأني مش شايف فيها حاجة مميزة، باقي الجامعات بتغطي دا وأكثر.
.

• University of the People :

دي جامعة أونلاين خالية من المصاريف، بتقدم فيها زي أي جامعة تقليدية وأخر مرة دخلت عندهم كانوا بيقدموا بكالريوس في علوم الكمبيوتر وإدارة الأعمال وأيضًا كانوا بيسعوا للحصول على إعتماد من وزارة التعليم الأمريكية. الجامعة دي زي الجامعات التقليدية، بتستنى المحاضرات وتتفاعل مع التلاميذ الآخرين والبروفيسورز وتعمل واجبات وهكذا، إختيار كويس للي عايز يروح الجامعة بس معهوش الأموال المطلوبة.
.

• Academic Earth :

دا موقع تركيزه الأساسي على إنه يلاقي لك مكان مناسب للدرجة العلمية التي تريدها. هم عندهم محاضرات مجانية، بس دا مش هدفهم الأساسي، هدفهم هو العثور على الدرجة العلمية إللي انت عايزها.
.

• Textbook Revolution :

دا موقع بيديره طلاب عايزين يحسنوا فكرة التبادل الحر للمعلومات. عندهم لستة للمصادر الأونلاين والكورسات المجانية وتبادل للكتب.
.

• The Library of Congress Files :

دا مش موقع تعليمي، بس موقع حكومي يشمل حاجات كتيرة جدًا عن التاريخ الأمريكي والتكنولوجيا والحرب ومواضيع أخرى مهمة كتيرة جدًا، ممكن يثير شغفك بالتاريخ والعلوم الإجتماعية. 
.

• Alison :

دا موقع بيدي محاضرات عن مواضيع مختلفة زي الnursing والتعليم. كل صفحة فيها ملخص للكورس والمواد المطروحة والمنهج والوقت المطلوب للإستكمال، تعمل تسجيل للكورس وأنطلق! 
.

• GCF LearnFree :

دا موقع أيضًا بيقدم كورسات بس بدون درجة، وكل كورس موجه نحو مهارة معينة (زي تعلم الWord مثلًا) الواجهة بتاعته معقدة قليلاً، فعايزة بعض الصبر للتنقل فيها.
.

• e-Learning Center :

أيضًا موقع فيه كورسات متنوعة، ولازم عشان تاخد الكورس تسجل، ومينفعش تشوف الموضوع كله إلا بعد التسجيل لضمان إنك هتلتزم.
.

• Saylor :

دا موقع بيدي بعض الكورسات وبعدها بيديك درجة علمية (مش معتمدة) بس الموقع بيدي وعد إن المادة العلمية بتاعته هتبقى مساوية للكليات التقليدية. هو خيار هايل لو مهتم بالمادة العلمية وأيضًا الموقع سهل التنقل فيه والتعامل معاه.
.

• Master Class Management :

الموقع دا مصمم خصيصًا للطلاب المهتمين بدرجات في البيزينس. هتاخد شهادة في نهاية كل كلاس. الموقع فيه جانب تجاري مزعج شوية (زي الإعلانات وما إليه) ولذلك لاحظ ما تضغط عليه.
.

• Brigham Young Free Online Courseware :

الموقع دا فيه كورسات مختلقة شوية عن بعض المواقع التانية، يعني بيدي كورسات عن أشياء زي تقوية العلاقات الزوجية وتاريخ العائلة والصدق والأمانة وبعض المواضيع الدينية. عشان تشوف الكورسات لازم تسجل عليه. 
.

• University of Michigan Open :

الموقع دا فيه لستة كبيرة جدًا من الكورسات. كل المعلومات هتتحمل عالكمبيوتر بتاعك بعد قراءة الملخص. 
.

• NLC Open Learning Courses :

الموقع دا بسيط ومش مصدر هائل يعني لأي حد بيبحث عن مادة كبيرة. هو عبارة عن تجميعة لصفحات ويب عليها معلومات ومش متطور أوي.
.

• FlexiLearn :

الموقع دا تعلم مستقل وذاتي وأيضًا مش مصدر قوي أوي لمعلومات تفصيلية ولكن فيه منتدى متصل بالموقع بيخليك تتفاعل مع آخرين. 
.

• Weber State University :

الموقع دا فيه 6 كورسات عن إلكترونيات السيارات والتكنولوجيا والصحة والإنجليزي. كل كورس متقسم لأشياء زي الكورسات التانية بس في رأيي مش قوي أو مش متطور أوي.
.

• Capilano University :

الموقع دا كويس، أول ما بتدخل على كورس بيديك فكرة عن المدرس والواجبات والمنهج وما إليه وكمان بسيط في التنقل فيه.
.

• TU Delft :

الموقع دا بيدي بكالريوس وماستر طبقًا لدرجة علمية وفيه تنويعة كبيرة جدًا من المواد ولا يحتاج تسجيل دخول!
.

• United Nations University :

الموقع دا بيدي كورسات عن الحكومة والإقتصاد والإلكترونيات والحكومة الإلكترونية وغيرهم. كل جزء مجاني التحميل وممكن عرضه كPDF أونلاين. الموقع مفيهوش كورسات كتيرة بس كويس للي مهتمين بالحكومة والعلاقات الدولية والأشياء المشابه.

مقالات مرتبطة

تعليقات
ليست هناك تعليقات
إرسال تعليق
    إرسال تعليق