المدرس بوك المدرس بوك
random

آخر الأخبار

random
جاري التحميل ...

علم تلميذك استخراج الحرف المشدد والساكن واللام الشمسية والقمرية والتاء المفتوحة والمربوطة


التفريق بين الساكن والمتحرك 

1) ازاى إطلع حرف ساكن من جملة مفيهاش تشكيل
هنقوم ندور على كلمة فيها لام قمرية لأن حرف اللام فيها ساكن دايما وابدا
طب مفيش يبقى لام شمسية ....ايه؟؟؟ اه والله لأن الحرف اللى بعدها مشدد واى
شدة تنفك بساكن وحركة

استخراج الشدة من الجملة

2 ) طب ازاى اطلع شدة؟ ؟؟ ما انا لسه قائلة بعد اللام الشمسية لازم فى شدة

التفريق بين اللام الشمسية والقمرية

3 ) ازاى اعرف اللام دى شمسية ولا قمرية ؟؟؟ نحفظ حروف الشمسية بأغنية
احنا حروف أخوات أخوات ال ت ث / د ذ/ ر ز/ س ش /ص ض /ط ظ وننط نجيب ال ل و ال ن
يبقى باقى الحروق قمرية اللى متجمعين فى كلمة (جحا غبى وقع مخه فك)

التفريق بين التاء المربوطة والهاء

4 )ازاى اعرف أن الكلمة نهايتها تاء مربوطة ة ولا هاء مربوطة ه فى الإملاء
طبعا معروف أن التاء المربوطة تنطق هاء وتكتب تاء علشان كده بتلخبط
سهل جدا تزود للكلمة ياء ملكية وانطقها هتظهر على طول فى النطق
مثال كلمة اله /وجه ......تصبح الهى/ وجهى اذا هى هاء
لكن حديقة /أسرة ......تصبح حديقتي /اسرتى اذا هى تاء مربوطة

التفريق بين النون والتنوين 

5 )ازاى اعرف ان النون اللى فى آخر الكلمة أصلية ولا نون كدابة
اه فى نون كدابة اللى هى التنوين بالفتح لأننا بننطق نون وهى مش موجودة اصلا
زى شكرآ. ... كتابآ....... قلمآ
نعمل ايه نضيف للكلمة ال لو اختفت النون تبقى كدابة علشان بتخاف من ال لكن لو أصلية مبتخفش
وتفضل زى ما هى الشكر.....الكتاب.....القلم شوفتوا هربت بسرعة ازاى
لك فى كلمة حنان.....ميدان.....زمان ...الحنان..... الميدان......الزمان ثبتت على موقفها تبقى أصلية

زيادة الالف في التنوين بالفتح

6 )ازاى اعرف لما اعمل تنوين بالفتح لكلمة امتى ازود آ التنوين و امتى لأ
كل الكلمات نزود معاها آ التنوين بالفتح ماعدا الكلمات المنتهية ب تاء مربوطة و همزة على السطر
يسبقها مد الف لأنهم مش بيحبوا أ التنوين تقف وراهم لكن باقى الحروف بتحبه
تبقى كلمة زى سماء.... دواء ....حديقة.........سعيدة ....أسرة لما اجى انونها بالفتح مش هزود الف
ونحط التنوين فتحتين على اخر حرف فقط
لكن كلمات مثل باب كتاب قلم ......تصبح بابآ .....كتابآ......قلمآ نضيف الف وفتحتين

معرفة نوع الكلمة اسم ام فعل

7) ازاى اعرف ان الكلمة دى فعل ولا اسم  
عادى جدا ازودلها ال لو نفعت متبقاش فعل تبقى اسم لكن لو منفعتش تبقى فعل
اسرة....الأسرة تبقى اسم. أحب ...الاحب. مينفعش تبقى فعل
سعيدة..السعيدة. اسم. سار ..السار. مينفعش تبقى فعل

التعليقات

لتتابع كل جديد اضغط اعجبني لصفحة المدرس بوك


جميع الحقوق محفوظة

المدرس بوك

2016