" الحكومة والبرلمان قرطسونا والمعلمين مشغولين بمصايف مطروح :
المعلمين مفكرين إن مجلس النواب بيطالب بحقهم وزعلان علشانهم في موضوع العلاوة ، مع إن الـ 10 % الـزيادة على أساسي ٢٠١٤ ، والحكومة الشهر اللي فات زودت خصم التأمين الصحي من 5 و 1 ٪ لـ ٣٪ على إساسي ٢٠١٧ و كمان زودت خصم الأجور المتغيرة من ١٠٪ لـ ١١٪ من المرتب الشامل ، و كمان بأثر رجعي من شهر يناير!!! ، يعني من الآخر الحكومة خدت منك ضعف لزيادة قبل متزودك و كل ده من غير برلمان و موافقات و قوانين و عبد العال وغيره ، والبرلمان شايف وبيتفرج ، والمسرحية اللي بتحصل في مجلس النواب مسرحية متفق عليها بين مجلس النواب والحكومة !!! ، لأن لو مجلس النواب له رغبة في العلاوة والحكومة رافضة كان مجلس النواب طالب بسحب الثقة من الحكومة ، إنما كلها أفلام للاستهلاك ، والمشكلة في المعلمين اللي أصبحت أمنيتهم الوحيدة إن الحكومة توافق على الـ 10 % على أساسي 2014 ، أي 65 جنيه !!! ، مع أنها سحبت منهم 85 جنيه ، ولو قلت للمعلمين تعالوا معانا نطالب بحقوقكم ، الفيس يتملي على آخره ثوار ومناضلين وفي الآخر مفيش حد !!! ، والعجيب تلاقي واحد رايق مقابلك في المترو أمام الركاب وبصوت جهوري ويقول لك : الحمد لله يا دكتور إني قابلتك ، هي مصايف مطروح بتاع النقابة بكام السنة دي ؟ !!! .
واليكم اقتباس التدوينة من صفحة الدكتور محمد زهران :
تعليقات
ليست هناك تعليقات
إرسال تعليق