المدرس بوك المدرس بوك
random

آخر الأخبار

random
جاري التحميل ...

حوار مع مدرس مصري بشتغل يوم ونص بس في الشهر يقلب مواقع التواصل الاجتماعي

حوار مع مدرس مصري يقلب صفحات التواصل الاجتماعي  ........... 
أنا..استاذ فتحى حضرتك شغال ايه 
هو...مدرس 
أنا..بتقبض كام فى الشهر؟
هو ..١٥٠٠جنيه 
أنا ..معاك كام عيل 
هو ..معايا ٦ 
أنا ..وهل مرتبك بيقضيك انت و٦ عيال وامهم 
هو ...بيقضينا اسبوع 
أنا..طيب وباقى الشهر 
هو ..بشتغل بعد الضهر سواق تاكسى٣٠٠٠جنيه 
أنا...طيب وبتقدر تواصل شغلك طول النهار فى الوظيفتين 
هو ..لا ما أنا مابروحش المدرسة كتيير 
أنا....إزاى 
هو ...باخد إجازات مرضى واعتيادى وعارضه على كام إذن خروج بدرى على كام إذن تأخير تلاقى الشهر خلص 
أنا ...طب واللى بتعمله ده مش غلط وحرام 
هو ...لا طبعا ..لاغلط ولا حرام 
أنا..إذاى تقبض مرتبك وماتشتغلش 
هو ...أنا بشتغل..بس على قد فلوسهم 
أنا ....وبتحسبها إزاى 
هو ...أنا لا أقل شيئا عن القاضى والقاضى إللى فى سنى وأقدميتى بياخد ٢٠ الف جنيه وبيشتغل ٤ أيام ويريح ٣ 
يعنى ٢٠الف فى ٢٠ يوم يعنى اليوم بألف 
أنا مرتبى كله ١٥٠٠يعنى ليهم عندى يوم ونص طول الشهر ..انا بظبط نفسى على كده وابقى مسامحهم بالوضع الاجتماعى والنوادى والفسح والمستشفيات والنفوذ إللى بيتمتع بيه القاضى 
أنا ...طيب والتلاميذ ذنبهم إيه 
هو ...طب وولادى ذنبهم إيه لما أبذل مجهودى كله فى التدريس وهم يجوعوا
أنا....بس انت صاحب رساله فى الأساس 
هو ...بعد ماالاقى آكل واشرب وألبس أنا وعيالى أبقى أشوف موضوع الرساله ده 
أنا ..بس كده الدوله هتضيع والتعليم هينهار 
هو ...يارب ينهار بكره....وأنا مالى 
أنا ...طب الحل ايه ؟؟
هو ....اعطونى نصف حقى أعطيكم كل عمرى وإلا...فلا
الحوار تخيلي يرمز لمعاناة ووضع كثير من المعلمين في ظل انخفاض الرواتب وارتفاع الاسعار .. 

التعليقات



جميع الحقوق محفوظة

المدرس بوك

2016