عاجل منحة وزارة الاتصالات لجميع المحافظات سجل الان

أخبار تعليم

#الزتونة فى منحة InnovEgypt (منحة وزارة الإتصالات) ^_^
.. البوست دا فعليا يستاهل يلف الفيس كله :)
.. فى تمام الساعة الثامنة مساء يوم ال 27 من مايو لعام 2016  
منحة InnovEgypt لريادة الأعمال ( للطلبة فقط ... مش للخريجين :) ) :
هى منحة مقدمة من مركز الريادة والإبداع التكنولوجى برعاية وزارة الإتصالات :)
.. فعلا من أقوى منح ريادة الأعمال المجانية اللى موجودة فى مصر لأسباب كتير منها أنها منتشرة فى أغلب المحافظات .. مدربين على أعلى مستوى .. كل مدرب متخصص فى حاجة معينة .. محتوى ممتاز .. مش شرح نظرى وبس لكن أغلبه أنشطة بتتعمل لوحدك ومع فريق .. وكمان بتعلى روح الإبداع عندك فعلا فى إكتشاف حلول لمشاكل كتير بتقابل المجتمع :)

*مدة المنحة : 6 أيام ( من الساعة 9 صباحا ل 3 أو 44 عصرا ) (بيبقى ليك بريك فطار ووجبة غداء من أنضف مطعم فى المحافظة اللى أنت بتاخد التدريب فيها ^_^ 

 محتوى منحة وزارة الاتصالات :

1)Entrepreneurship ( أول يومين )
هتتعلم يعنى إيه ريادة أعمال و ازاى تعمل خطة كاملة ودراسة جدوى لمنتج أو خدمة أنت شوفت أنهم هيحلوا مشكلة معينة فى المجتمة بطريقة جديدة وفيها نوع من إستخدام التكنولوجيا الحديثة .
2)Market study ( اليوم التالت والرابع )
هتتعلم بقى إزاى تسوق للمنتج والخدمة دى وإيه الأدوات اللى أنت محتاجها :)
3)Ideation Camp ( اليوم الخامس والسادس )
هتتعلم ازاى تفكر فى حلول لمشكلة وازاى تجيب أكبر عدد من الحلول دى .. ازاى تتعاون مع الفريق عشان تحققوا هدف معين .

مميزات منحة وزارة الاتصالات :



.. غير طبعا كمية المعلومات الرهيبة والأنشطة اللى هتعملها والناس اللى هتتعرف عليهم .. وهتتعلم تتكلم قدام ناس لأنك هتطلع كذا مرة تعمل بريزنتاشن ...هيبقى مطلوب منك أنت والفريق بتاعك اللى هتتقسموا مع بعض إنكوا تعملوا Power Point Presentation وتقدموها بعد ما تخلص المنحة بأسبوع ..

** نصيحة : خليك نشيط كدا وأتعرف ع الناس وفكر وأشتغل ووريهم كل اللى عندك .. أنا لما عملت كدا خلى كل المدربين يعرفونى ويحفظوا أسمى وكونت علاقات شخصية مع كتير منهم .. وكمان بيرشحوك فى حاجات تانية بعد كدا :)

** المنحة دى بتتعمل فى أجازة الصيف فى 14 محافظة تقريبا .. وفى أجازة نصف العام فى 88 محافظات ( ينفع تشترك فى محافظة مش بتاعتك أو لو محافظتك مش موجودة فى الصيف مثلا ينفع تشترك فى أى محافظة تانية ).

** لازم تلتزم بالحضور كل أيام المنحة ^_^

** الجدول اللى فى البوست دا هتلاقى فيه المحافظات اللى هتتعمل فيها المنحة فى أجازة الصيف اللى جاية دى وأخر معاد للتقديم ومواعيد بداية المنحة نفسها :).

** منحة الصيف ومنحة الشتاء بيتجمعوا فى يوم فى شهر 12 فى أخر السنة وبيتكرموا بحضور وزير الاتصالات وبياخدوا شهادة من وزارة الإتصالات وشهادة من شركة Intel

شروط التقديم لمنحة وزارة الاتصالات :


11) انك تكون فى الكليات دى : هندسة بكل تخصصاتها .. حاسبات ومعلومات .. علوم .. علوم حاسب .. معاهد هندسة .. تجارة ( محدش من كليات تانية للأسف مسموحله بالحضور)

2) إنك تكون فى سنة 2 أو أكبر :)

كيفية التقديم على منحة وزارة الاتصالات :


1) هتدخل هنا وتسجل : http://egyptinnovate.com/user/register

هيبقى قدامك طريقتين فى الخطوة دى ..

*إنك تعمل connect بأكونت الفيس بتاعك ودا الأحسن والأسرع وبعد ما تعمل connect وتدخل كام معلومة عنك زى كلية ايه وسنة كام وكدا .. هتلاقى فوق ع الشمال اسمك بقى موجود بأكونت .. لو وقفت ع إسمك وفتحت البروفايل بتاعك على الصفحة دى هتلاقى فى الأخر رقمك المسلسل ... وبرده هيتبعتلك الserial number دا على الميل بتاع الفيس بوك اللى أنت عملت Connect بيه.. أحفظه عشان دا هتحتاجه فى الخطوة التانية من خطوات التسجيل . ^_^ **الطريقة التانية لو مش عاوز تعمل connect بالفيس بوك بتاعك .. انك تقعد تملى البيانات عادى وتدخل ميل يتبعتلك عليه الرقم المتسلسل دا .

2) هتدخل تملى الفورم دى : http://bit.ly/InnovEgypt

** من الملاحظات اللى الناس بعتتها :

_ فى المربع بتاع التاريخ هتلاقى جنبه أجندة كدا اضغط عليها وأعمل تاريخ ميلادك من خلالها .. عشان لو كتبته أنت فى أحيان كتير بيقولك غلط ومبيقبلوش :) .

_ الصورة بتاعة الكارنية بتاعك أو صورة أكونتك من موقع كليتك لازم تكون بصيغة (Jpgg) لأنه مبيقبلش أى صيغة تانية غيرها :D

.

إملا الفورم بضمير وخصوصا الأسئلة اللى عاوزك تكتب فيها أفكار أو حلول لمشاكل معينة متستخسرش فى الكتابة عشان هيختاروا أفضل 75 فى كل محافظة .

والباقى بيانات عادية ..

33) لازم تتابع الميل أول بأول لأنك لو أتقبلت هيبعتولك ميل وهيبقى مطلوب منك تأكده بإنك ترد عليه أو هيبعتولك لينك لازم تدخل عليه فى خلال 24 ساعة .. لو مدخلتش بتعتبر مرفوض وبياخدوا حد تانى مكانك من قوايم الإنتظار ^_^

جزء الأسئلة والرسايل والكومنتات والإستفسارات اللى جاتلى أمبارح :


1) المنحة مجانية ... والله العظيم مجانية ... يعنى مفيش أى رسوم بتتدفع فى أى حاجة خالص :)

2) المنحة للطلبة فقط .. والله العظيم للطلبة .. ودا مش أنا اللى مخترعه .. دى قواعد وزارة الاتصالات محدداها للمنحة .. عشان فى منح تانية بتعملها الوزارة للخريجين بس وهنبقى ننزلها إن شاء الله لما تفتح :)

3) من شروط المنحة الكليات اللى موجودة فوق ... ودا اللى محدده برده وزارة الاتصالات .. بس أقولك ممكن تقدم ومش هتخسر حاجة .. صابت ولا خابت :D (يمكن العدد فى الجامعه اللى انت مقدم فيها دى يكون قليل وياخدوا كل اللى قدموا .. الله اعلم )

.. محدش يقولى أنا فى صيدلة وطب وأداب ينفع .. أنا قولت طبقا للشروط مينفعش .. بس أهو جربوا .. ادام حاجة مش هتدفع فلوس وأنت بتعملها خلاص اعملها ^_^

4) من شروط المنحة أنك تكون فى سنة تانية كلية أو أكبر ... مع أنى كاتب دا فى شروط المنحة .. لقيت حوالى 50 كومنت (أنا فى سنة 3 ينفع أقدم :( ) .. أه والله ينفع تقدم ^_^

5) لو حضرتك فى سنة رابعة وخلاص هتتخرج السنة دى .. فأنت فى وقت التسجيل تعتبر لسه طالب وتعامل معاملة الطلبة .. يعنى يحقلك انك تسجل وتاخد الدورة لو اتقبلت :)

6) لو حضرتك أقل من سنة 22 (مش هتخسر حاجة برده لو قدمت وأهو حتى تشوف الأبليكاشن عاملة أزاى ولو ماتقبلتش تقدم السنة الجاية ان شاء الله وتكون كبرت شوية

7) لو حضرتك جامعتك مش من ضمن الجامعات اللى فاتحة تسجيل حاليا تقدر تسجل برده فى أى جامعة موجودة وفاتحة حاليا :)

8) أكيد مش بعد ما تسجل هيبعتولك يقولوا أنت اتقبلت أو اترفضت :D

لسه لما ينتهى التسجيل خالص فى التاريخ اللى موجود فى الجدول اللى فى البوست دا

هينزلوا أسماء المقبولين ويبعتولهم إيميلات ولازم تأكد الميل فى وقت أقصاه 244 ساعة فعشان كدا لازم تفضل متابع الميل بتاعك بعد إنتهاء تاريخ التسجيل :)

الوسوم:

#اخبار التعليم

مقالات ذات صلة