بعد اعلان موعد ظهور نتيجة الثانوية العامة يتسائل طلاب الثانوية العامة عن الأوراق المطلوبة للتقديم في الكليات سواء العلمية من " طب - هندسة - صيدلة - علاج طبيعي " أو أدبية مثل " تربية - آداب - حقوق - تجارة - علوم " وغيرها من الكليات المختلفة، خصوصا بعد ظهور تنسيق المرحلة الأولي بعد أيام ولذلك اعددنا لكم هذا المقال ليكون مرشدك في الذهاب للجامعة والتقديم في كليتك

الأوراق المطلوبة للتقديم لكليات الثانوية العامة 

١ - صورة بطاقة الترشيح .
٢ - اصل شهادة الثانوية العامة + صورة منها .
٣ - اصل شهادة الميلاد + صورة منها .
٤ - صورة البطاقة الشخصية .
٥ - عدد ٦ صور حديثة مقاس ٤ في ٦ .
٦ - استمارة ٢ جند [ للذكور فقط ] .
٧ - استمارة ٦ جند [ للذكور مواليد 98 فيما فوق فقط ] .
٨ - المصاريف [ تختلف من كلية للتانية ] .

نصائح هامة أثناء التقديم للجامعة

1- صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
2- الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .

3- استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
4- بعض الكليات بتطلب دوسيه بلاستيك مع ورق التقديم ، عشان تحط فيه ورقك .

5- التقديم للكليات لسه بدري عليه ، وكل كلية بتعلن مع نفسها انها فتحت باب التقديم ، بس جهز ورقك بدري .
6- شهادة الميلاد لو عندك واحدة قديمة ، اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .

7- لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
8- مواليد 99 من الذكور مفيش ليك استمارة ٦ جند لان سنك لسه صغير ، ولو روحت تجيبها هيقولك مفيش ليك .
9- صورة البطاقة الشخصية مهمة في بعض الكليات فالكل يعملها احتياطي .

تعليقات
33 تعليقًا
إرسال تعليق
  • 👤 لا

    شكرا جزاك الله خيرا

  • 👤 Kirito

    وانا اعرف كليتي فتحت امتى

  • 👤 Today's Episode

    حضرتك فترة تقديم الاوراق للكلية لحد امتى

  • 👤 Unknown

    طب و مواليد٩٩ يجيبو حاجه مع ال٢ جند شهادة صغار سن مثلا ولا ٢ جند بس

  • 👤 Unknown

    طب و مواليد٩٩ يجيبو حاجه مع ال٢ جند شهادة صغار سن مثلا ولا ٢ جند بس

  • 👤 يوسف

    من فضلكم مواليد ٩٩ الاوراق المطلوبة بالظبط

  • 👤 Unknown

    تمام

  • 👤 Unknown

    صورة رقم الجلوس مهمة ولا لا

  • 👤 Unknown

    يعنى ايه رقم ثلاثى فى شهاده الميلاد

  • 👤 Unknown

    نهاية بطاقة الترشيح دي

  • 👤 Unknown

    كلية تربية طفولة مبكره المنيا هتفتح امتى

  • 👤 Unknown

    طبع بطاقة ترشح المرحله الاولى امتى

  • 👤 Rasha sayed

    تجارة القاهره التقديم امتي

  • 👤 غير معرف

    مواليد ٩٩ جابوا ٧ جند

  • 👤 غير معرف

    تمريض بنى سويف تقديمها هيبدا امتا؟

  • 👤 Unknown

    شكرا جدا

  • 👤 احمد عبداللاه

    جزاكم الله خيرا

  • 👤 Unknown

    بطاقه موجوده فين

  • 👤 Unknown

    بطاقه الترشيح مع الاوراق

  • 👤 غير معرف

    فين الرقم الثلاثى إلى فى شهاده الميلاد بالضبط

  • 👤 Unknown

    من فضلك مواليد ٢٠٠٢ ليهم شهاده ٢ جند ولا لا

  • 👤 Unknown

    ماهي بطاقه الترشيح

  • 👤 Unknown

    معلش يا جماعة فضلا انا دفعة السنة اللي فاتت و مقدمتش و هقدم السنادي و هنسق ف مكتب الرغبات ممكن اعرف ايه الورق اللي هروح بيه

  • 👤 Unknown

    شكرا

  • 👤 Joseph

    طب ايه هي بطاقة الترشيح

  • 👤 غير معرف

    الملف بتاعي في المدرسه اسحبه و استمارات النجاح و بعد كده ايه

  • 👤 غير معرف

    اسحب الملف بتاعي من المدرسه و استمارات النجاح و بعد كده ايه

  • 👤 Unknown

    حقوق صوره البطاقه مهمه ليها ؟؟

  • 👤 Kakamkora

    طب اروح امتي

  • 👤 Unknown

    اه هي بطاقة الترشيح

  • 👤 Unknown

    مصاريف كلية تربية طفوله مبكرة جامعة القاهرة كام

  • 👤 Unknown

    تجارة بنها هتفتخ التقديم انتي؟

  • 👤 جي جي

    طب ينفع اقدم مع العلم اني خريجة 2019 ومنسقتش لظروف ماديه