الفرق بين Image -و- Picture -و- Photo
هم الـتلاتة معناهم بالعربي "صورة، لكن بالانجليزي في فرق كبير بين ال3 وممكن تكون أول مرة تعرفه!!
كلمة Photo مثلا معناها صورة، لكن (صورة متصورة بـكاميرا) بس. جاية من كلمة ( photograph - تصوير ضوئي ). يعني أي حاجة مش متصورة بكاميرا ماسمهاش Photo
مثال: 

This is my class photo*. I'm the one in the middle.
الترجمة: دي صورة الفصل بتاعي. انا اللي في النص.
أما كلمة Picture
فدي كلمة أشمل. تقدر تستخدمها مع الصور والرسومات وحتى الصور اللي بالكاميرا برضو.
مثال :

Take a look at this picture* and see if you recognize anyone.
الترجمة: بص على الصورة دي وشوف لو تعرف أي حد.
أما كلمة Image فهي بتعبر عن صور الخيال بس. 

جاية من (Imagination- او خيال). زي صورتك قدام الناس (انطباع الناس عنك)، أو مثلا صورة في ذهنك. وتقدر تستخدمها كمان مع الصور اللي بتشوفها على الكمبيوتر، أو في مراية لأنها تعتبر صورة خيالية مش حقيقية.
مثال:
- The poem is full of images
الترجمة: القصيدة مليانة بالصور (صور جمالية طبعا )
تعليقات
تعليقان (2)
إرسال تعليق
  • 👤 علي احمد سعيد

    هذي معلومه حلوووه والشكر لمن قدم هذه المعلومه التي تعتبر معلومه غامضه على جميع الطلاب

  • 👤 Abdullah

    طريقة توصيل المعلومه رائعة