ننشر لكم اليوم التقديم في الكليات العسكرية 2023 مثل " الكلية الحربية - الجوية - البحرية - الطب العسكري - الفنية العسكرية" للثانوية العامة بعد أن صدق القائد العام للقوات المسلحة وزير الدفاع والإنتاج الحربى على الإعلان عن قبول دفعة جديدة للالتحاق بالكليات والمعاهد العسكرية من حملة الثانوية العامة والثانوية الأزهرية والشهادات المعادلة وحملة الشهادات الثانوية الصناعية وما يعادلها، جاء ذلك خلال وقائع المؤتمر الصحفى الذى عقده اللواء أركان حرب جمال ابو اسماعيل مدير الكلية الحربية أشار فيه إلى الشروط العامة للقبول كالآتى

شروط القبول بالكلية الحربية 2023

الكلية الحربية: تقبل الحاصلين على شهادة الثانوية العامة او الأزهرية والشهادات المعادلة بقسميها العلمى والأدبى بشرط أن لا يقل المجموع عن 70% فأكثر وألا يزيد السن فى 1 / 11 / 2023 عن 21 سنة.

شروط القبول بالكلية البحرية 2023

الكلية البحرية : تقبل الحاصلين على شهادة الثانوية العامة القسم العلمى شعبتى (الرياضيات – العلوم) بشرط أن يكون الطالب شعبة العلوم قد تحصل على 70% فأكثر فى مادة الرياضيات بالصف الثانى الثانوى وكذلك القسم العلمى من شهادة الثانوية الازهرية والشهادات المعادلة من القسم العلمى بشرط ألا يقل المجموع عن 70% فأكثر وألا يزيد السن فى 1 / 11 / 2023 عن 21 سنة.

شروط القبول بالكلية الجوية 2023

الكلية الجوية : تقبل الحاصلين على شهادة الثانوية العامة والأزهرية والشهادات المعادلة بقسميها العلمى والأدبى بشرط أن لا يقل المجموع عن 60% فأكثر وألا يزيد السن فى 1 / 11 / 2023 عن 22 سنة.

شروط القبول بالكلية الفنية العسكرية 2023

الكلية الفنية العسكرية : تقبل الحاصلين على شهادة الثانوية العامة القسم العلمى (شعبة الرياضيات) فقط والقسم العلمى من شهادة الثانوية الأزهرية والشهادات المعادلة بشرط أن يكون الطالب قد تحصل على 70% فى مادتى الفيزياء والرياضيات وألا يقل المجموع الكلى عن 92% فأكثر وألا يزيد السن فى 1 / 11 / 2023 عن 21 سنة.

شروط القبول بكلية الدفاع الجوي 2023

كلية الدفاع الجوى : تقبل الحاصلين على شهادة الثانوية العامة القسم العلمى (شعبة الرياضيات) فقط ومن شهادة الثانوية الأزهرية والشهادات المعادلة من القسم العلمى بشرط ألا تقل النسبه المئوية لمادة الفيزياء والرياضيات عن 70% فأكثر وألا يقل المجموع الكلى عن 85% وألا يزيد السن فى 1 / 11 / 2023 عن 21 سنة.


شروط القبول بكلية الطب للقوات المسلحة 2023

كلية الطب للقوات المسلحة : تقبل الحاصلين على شهادة الثانوية العامة القسم العلمى (شعبة العلوم) فقط وكذلك تقبل الحاصلين على شهادة الثانوية الأزهرية والشهادات المعادلة من القسم العلمى بشرط ألا يقل المجموع الكلى عن 97% فأكثر وألا يزيد السن فى 1 / 11 / 2023 عن 21 سنة.

شروط القبول بالمعهد الفني للقوات المسلحة 2023


المعهد الفنى للقوات المسلحة : فيقبل الحاصلين على شهادة الثانوية العامة القسم العلمى شعبة (الرياضيات - العلوم) والحاصلين على الثانوية الأزهرية القسم العلمى وحملة الثانوية الصناعية نظام 3 و5 سنوات من المدارس التابعة لوزارة التربية التعليم أو التعليم المزدوج التابع لوزارة الإنتاج الحربى فقط أو معهد الدنبسكو تخصصات (الميكانيكا – الكهرباء) فقط وألا يقل المجموع الكلى لطلبة الثانوية العامة عن 65% والثانوية الصناعية عن75% وألا يزيد السن فى 1 / 11 / 2023 عن 21 سنة بالنسبة للحاصلين على الثانوية العامة والأزهرية والصناعية ثلاث سنوات و22 سنة للحاصلين على الثانوية الصناعية نظام الخمس سنوات ويقبل الطلبة الحاصلين على أعلى من الشهادات المذكورة فى مجالات (الهندسه – التكنولوجيا) وسيراعى شرط السن اثناء التقديم للحاصلين على هذه الشهادات حيث يسمح بعامين إضافيين للطلبة المقيدين فى دراسات عليا أعلى حتى 23 سنة.

أماكن سحب الملفات للكليات العسكرية  2023

على أن يتم سحب ملفات القبول من مكتب تنسيق القبول بالكليات والمعاهد العسكرية بالكلية الحربية بالقاهرة اعتبارًا من يوم الأحد 11 / 6 / 2023 والمكاتب الفرعية بالإسكندرية بنادى الفتح الاجتماعى بقيادة المنطقة الشمالية العسكرية، وتيسيرًا على الطلبة سيتم إجراء الكشف الطبى بمستشفى مصطفى كامل العسكرى للطلبة المتقدمين من محافظة الإسكندرية والمحافظات المحيطة بها.

الشروط العامة للقبول بالكلية العسكرية 2023

1- الشروط العامة للقبول أن يكون الطالب ووالديه وأجداده مصريين الجنسية وغير مكتسبين أو متقدمين للحصول على أى جنسية أخرى
2- أن يكون حاصلًا على شهادة إتمام الدراسة الثانوية العامة أو ما يعادلها
3- ألا يكون قد مضى على حصول الطالب على شهادة الدراسة الثانوية أو ما يعادلها أكثر من عام واحد بشرط أن يكون مقيدًا بإحدى الكليات الجامعية أو المعاهد وأن يكون قد اجتاز السنة الدراسية المقيد بها بنجاح
4- أن يكون حسن السير والسلوك، وألا يكون قد سبق الحكم عليه بعقوبة جنائية أو فى جريمة مخلة بالشرف
5- أن يكون غير متزوجًا أو سبق له الزواج
6- ألا يكون قد استقال أو فصل تأديبيًا من أى كلية – معهد عسكرى – مدرسة عسكرية
7- ألا يكون قد أعفى من الخدمة العسكرية لعدم اللياقة الطبية
8- الأ يقل الطول للذكور لكل الكليات عن 170 سم (عدا الكلية الجوية فيسمح للطول حتى 158 سم كحد أدنى)
9- أن يكون لائقًا طبيًا طبقًا لشروط اللياقة الطبية ولا يجوز إعادة الكشف الطبى على الطالب فى نفس الدفعة المتقدمة فى نفس العام فى حالة عدم لياقتة الطبية أثناء الاختبارات
10- أن يجتاز اختبارات اللياقة البدنية بنجاح وتفوق ولا يجوز إعادتها فى نفس الدفعة المتقدمة فى نفس العام فى حالة عدم اجتيازه الاختبارات
11- أن يجتاز اختبار قفزة الثقة بنجاح من ارتفاع (7.5 متر) بدون تردد وللمرة الأولى وفى زمن لا يزيد عن ثلاث ثوانى من إصدار الأمر بالقفز
12- أن يجتاز الاختبارات النفسية والمعلومات العامة عن جمهورية مصر العربية وكذلك كشف الهيئة وفقًا لتقييم لجنة الاختبار
13- أن يجتاز اختبار العرض الطبى العام والتحاليل الطبية المتقدمة والتى تشمل ايضًا التحاليل التخصصية المتقدمة.

كما خصص مكتب التنسيق القبول بالكليات والمعاهد العسكرية على الصفحة الرئيسية لموقع تنسيق القبول بالكليات والمعاهد العسكرية على الإنترنت للتعرف على المستندات المطلوب تجهيزها ومكان استخراجها عبر الموقع .https://tansiq.mod.gov.eg


نصائح لشخص سبق منه التقديم للكلية الحربية

المطلوب منك لشراء الملف:

1- بطاقة الرقم القومي بتاعك وتكون سارية
2- مبلغ 100 جنيه تمن الملف ده غير مصاريف سفرك طبعا

المطلوب منك ليوم سحب الملف :

هتحلق شعرك درجة 1 او2 بس مش اعلي من 2 وتحلق دقنك وشنبك وتقصر سوالفك بلاش بقا شغل الكابوريا والديك والفرخه والقرف ده انتا دلوقتي ظابط افتراضيا حتي يعني شكلك محترم والطالب اللي بيحلق قصات متخلفة او مش بيحلق شعره بالمستوي المطلوب المحترم بيتهزء ويروح يحلق ويرجع تاني
هتجهز كل حاجة من باليل فلوسك وبطاقتك وهدومك اللي هتسافر فيها وكل مستلزمات السفر وتدخل تنام وتظبط المنبه عشان تصحى بس غالبا مش هيجيلك نوم دي حاجة طبيعيه من التفكير في مستقبلك وأول خطوه ليك تجاه حلمك لا نام وارتاح خالص مفيش اي حاجة تقلق في اليوم ده

يوم سحب الملف بيكون ازاي :

الكلية الحربية بتبدأ شغل مع الطلبة الجدد من الساعة 4.30 صباحا تعمل حسابك تكون هناك 5 الصبح عشان اللي بيروح بدري بيخلص اسرع ويروح بدري
هتدخل من بوابة الكلية تتفتش من العساكر وممكن لا عادي وبعد كده تدخل تقعد علي كراسي الادبي في ناحية والعلمي في ناحية والدبلومات واي شهادات معادله معاهم عادي هيكون معاكم صف ظابط او ظابط بيدخل 3 صفوف من الطلبة كل شويه هتتدخل من بوابة تانيه تمشي يمين في شمال هتلاقي كراسي الطلبة قاعده عليها تقعد في دورك #ابراهيم_العويني
في 7 طرقات ب7 اماكن سحب ملفات 3 علمي و3 ادبي و1 دبلوم الظابط بيدي تلقين لسحب الملف ذي اللي بقوله دلوقتي
الظابط بيمشي 3صفوف ب3 صفوف الادبي علي مكانه والعلمي علي مكانه توقف في الطابور والطابور بيتحرك هتيجي علي الشباك تدفع 100 جنيه وتستلم ملفين لونهم ازرق و4 لونهم اصفر وتروح علي الشباك التاني العسكري هياخد بطاقتك وانتا تطلع علي الميزان الإلكتروني العسكري بيسجل بياناتك علي نظم الكلية الحربية يعني (الكمبيوتر) وحضرتك واقف على الميزان الإلكتروني
الميزان بيقيس طولك ووزنك بالظبط ويطلع كارت للعسكري يلزقه علي الملف بتاعك الكارت فيه اسمك ورقمك القومي ورقم الملف وتاريخ سحب الملف

هتاخد الملفات وتمشي شمال تدخل علي الاستوديو عشان تتصور للملف هتقعد في استراحات وتكتب علي ورقة فاضية رقم الصالة اللي هتتصور فيها والدفعه بتاعتك مثلا صالة 4 دفعة 8 عشان لما تطلع تستلم الصور بتاعتك من مكانها
هتوقف جنب مسطره مدرجة واقف رجليك 7 رقبتك لفوق شويه ايدك جنبك واقف انتباه تتصور وتطلع هتمشي شويه عالطول وبعدين تدخل شمال في شمال هتلاقي قاعه تدخلها وتقعد علي كرسي تسمع فيديوهات عن الكلية الحربية ونظامها وتلقين عن طريقة ملئ الملف وكل ده هنقوله بأذن الله هتقلب الملف ورقة ورقه مع الفيديو لو في ورق ناقص من الملف هتجيبه من عسكري واقف في القاعة ومعاه ورق بيكمل بيه الملفات الناقصة وتطلع من القاعة هتلاقي مظله تحتها مكاتب كل مكتب مكتوب فوقه لوحه عليها كلمه صاله ورقم انتا مثلا صالة 4 تقعد علي الكراسي بتاعت صالة 4 والمصور هيجي يوريكم الصور يرفع صورة ويقول بتاعت مين صاحبها هياخدها ولما تاخد صورك تحطها في الحافظة البلاستيكية بتاعك وتخرج من البوابة تروح علي البيت #إبراهيم_العويني

ملاحظات يوم سحب الملف

1- تلبس احسن واشيك لبس عندك عشان هتتصور بيه والصوره دي هتكون صورتك في الكلية والملف وكل الاختبارات لبس كويس الرسومات فيه هاديه مش over اوي والألوان متناسقه مع بعضها وتكون غوامق او فواتح بس مش وردي او احمر او الالوان البناتي دي متشمرش الكم وتلبس جزمة كويسه او كوتشي كويس وظبط لبسك حلو مش هوصيك يعني ممكن تلبس ساعة عادي بلاش نظارات شمس معاك وانتا رايح والحاجات اللي ملهاش لزمه دي
2- فلوس الملف 100 جنيه تكون ورقة واحده مش فكه ومتكونش قديمة اوي
3- البطاقة متكونش مكسوره او مشروخه زي ما حصل مع ناس كتير
4- متتكلمش مع اللي جنبك كتير ومتتكلمش بصوت عالي ومتتكلمش مع اي عسكري او ظابط او صف ظابط الا في حدود المسموح بيه وبلاش اسأله ليهم عشان خلقهم ضيق حبتين اي حاجة اسأل عليها في الجروب وهنجاوبك بأذن الله
5- بلاش علبه سجاير في جيبك لا تدخن اصلا هناك
كده يوم سحب الملف انتهي
اي اسأله فيه تحت امركم
عنوان الكليه الحربيه
طريق صلاح سالم الماظة , مصر الجديدة, القاهرة علامة مميزة: امام مطار الماظة التليفون: 02-2624-7815
تعليقات
34 تعليقًا
إرسال تعليق
  • 👤 Unknown

    لو ان عندى مشكلة فى سنانى وهعمل عملية تركيب هينفع ولا هسقططبى قسم ضباط متخصصين

  • 👤 Unknown

    ممكن اعرف الأوراق المطلوبه ايه والمصاريف كام

  • 👤 Unknown

    انا من اسيوط ممكن اسحب الملف من اسكندريه

  • 👤 Unknown

    انا ثانويه عامه منازل هل ينفع ليا التقدم لهذة الكليات

  • 👤 Unknown

    انا جايب 62ومعايه دور ثانى وعاوز اقدم كليه جوية استنا بعد ما امتحن واروح اسحب الملف منين لو سمحت ارجو الرد بسرعة

  • 👤 غير معرف

    طب هي الكلية الجوية بيتقدملها من الكلية الحربية بردو

  • 👤 غير معرف

    ممكن اعرف اخر معاد امتى لتقديم

  • 👤 غير معرف

    ممكن اعرف تنسيق القبول بالطب العسكرى للبنات والمصاريف والاوراق المطلوبه وهل قفزة الثقه للبنات

  • 👤 غير معرف

    ممكن اعرف تنسيق القبول بالطب العسكرى للبنات والمصاريف والاوراق المطلوبه وهل قفزة الثقه للبنات

  • 👤 Unknown

    لازم عند سحب الملف تكون معيا الشهادة ولاء اناحاصل على الثانوىة الازهرية 66/

  • 👤 Unknown

    خطوات سحب الملف واحدة لكل الكليات حتي لو مش هيدخل حربية

  • 👤 Unknown

    حضرتك المصاريف الكليه الحربيه كام

  • 👤 Unknown

    ممكن اعرف التقديم بالنسبه للحاصلين على بكالريوس تمريض بيكون مع الثانويه العامه ولا بيكون لهم نظام مختلف فى التقديم

  • 👤 Unknown

    انا حاصله علي ليسانس حقوق جامعه عين شمس دفعه 2017 هل ممكن التحق بالكليه الحربية ؟؟

  • 👤 Unknown

    انا حاصله علي ليسانس حقوق جامعه عين شمس دفعه 2017 هل ممكن التحق بالكليه الحربية ؟؟

  • 👤 ذكاء ترفيهي

    نظام المنازل يقبل

  • 👤 Unknown

    ممكن التقديم في الكلية الحربية يكون من دبلوم التجارة عادي ولا ممنوع

  • 👤 Unknown

    انا بكالوريوس خدمه اجتماعيه

  • 👤 Unknown

    لو سمحت عايز اعرف مواعيد التقديم في الضباط المتخصصين امتي انا لسة متخرج من معهد عالي للعلوم الإدارية حاصل علي بالكوريوس تجارة شعبة بنوك و أسواق مال معادلة لجامعة الاسكندرية هل لي التقديم ولا لا

  • 👤 Unknown

    لو سمحت انا سحبت الملف والمفروض اسلمه يوم ٣٠/٨ بس فى دو ثانى ايه الحل

  • 👤 Unknown

    لو سمحت انا من بورسعيد وعايزة اعرف مكان سحب الملف تكون محافظة قريبه مني

  • 👤 Unknown

    ممكن اعرف مصاريف التحاليل ومصاريف الكليه

  • 👤 Unknown

    انا دبلوم سياحه وفنادق نظام الثلاث سنوات تعليم مذدوج متاح ليا التقديم بالكليه ولا لا

  • 👤 Unknown

    طيب انا جايب 69.5 ليه تقديم ولا مينفعش

  • 👤 Unknown

    ممكن اعرف المصاريف كام بالضبط بالنسبة للكلية الجوية ارجو الرد لو سمحتوا

  • 👤 Unknown

    ممكن اعرف المصاريف كام بالضبط بالنسبة للكلية الجوية ارجو الرد لو سمحتوا

  • 👤 Hamdy Hassan Aly

    آخر موعد للتقديم

  • 👤 Ahmed

    السلام عليكم
    رحت اليوم اسلم الملف وانا شهادة معادلة
    قالي فين معادلة السهادة ورجعت
    منين اعادل شهادتي

  • 👤 Unknown

    امتى معاد سحب ملفات الاكاديمية الحربية للضباط المتخصصين

  • 👤 Unknown

    هل فى تقدىم فنىة عسكرية بنات واى شروط الالتحاق

  • 👤 Unknown

    هل فى فنىة عسكرية بنات واى هى شروط الالتحاق

  • 👤 Mahmoud Gad

    انا كنت هقدم دفعة السنة الجاية كليه بحرية بس كنت عاوز اعرف هو انا بسحب ملف حربيه وهما بيرشحوني ولا بحرية ليها ملف انا عمري ٢٣/٤/٢٠٠٠ تمام الحق تقديم السنة الجاية ولا ايه وشكرا .....

  • 👤 غير معرف

    لو سمحت هو لازم اقدم الكترونى على الموقع قبل شراء الملف ولا اشترى الملف عادى بدون الخطوه دى

  • 👤 غير معرف

    حضرتك ممكن اعرف لسه في وقت سحب ملف تمريض عسكرى