بقلم دكتور وسام عبدالله ..
حفظ الكلمات الانجليزى ومعضلة spelling مأساة نعانى منها وهى حفظ الكلمات بس تعالوا أوضح شئ مهم الأول واحط النقط على الحروف .. مانوع نمط الطفل فى التعلم ؟  ماهى نوع ذاكرته سمعية ولا بصرية ؟  هل الطفل يعانى من مشاكل بصرية او سمعية ؟
هل الطفل يعانى من قلة انتباه أو تركيز ؟  هل الطفل سليم ومعافى ولكنه حركى ؟  هل الطفل لازم يحفظ الكلمات ؟
ما الهدف من حفظ الكلمات ؟  هل عنده مشكلة فى حفظ القرآن ؟

كلها أسئلة لازم اسالها لنفسى الأول قبل ما اسأل نفسى ليه ابنى مش بيعرف يحفظ الكلمات .ليه لما بيحفظها ينساها رغم إنى سمعتهاله وذكرناها عشرميت مرة .وعلى أساس الإجابة على الأسئلة دى بأقدر أحدد هاعمل ايه مع الطفل
مبدئيا علشان بس ليه قولت كده لإنى سالت نفسى الأسئلة دى كتير وخصوصا مع ابنى التانى عبدالله ..

*طيب توصلت لايه؟
توصلت بعد تجارب كتير لنجاح مقبول من وجهة نظرى فى تحقيق أهدف
*إنه يعرف يقرأ انجليزى
* إنه يبقى عنده حصيلة معقولة
مش هدف الحفظ وبس
*طيب قبل ما أقول توصلت إزاى .عاوزة أقول شئ مهم .
افرض إن الطفل نمطى ذاكرته البصرية معقولة ويقدر يتذكر اسرع .مفيش مانع خالص إن أسيبه يحفظ بالطريقة المعتادة طالما مريحاه وبتجيب نتيجة بس بالإضافة ان برضه أمشى على القواعد دى علشان يبقى مش بس الحفظ لا كمان استنتاج كلمة مايعرفهاش ولا شافها قبل كده .
انا من الناس اللى ذاكرتى البصرية كويسة أقدر احفظ شكل الصفحة والكلام وكنت باحفظ عادى .بس بالإضافة لده توصلت لأسلوب أقدر اكمل بيه بدون ما احفظ اقدر استنتج الكلمة .من ضمنها " الفونيكس " اللى ماكناش موجودةعلى أيامنا بس فهمتها من ملاحظتى .
*إزاى بقى؟
1. يعرف الحروف بالصوت مش بالاسم وده اقدر احققه بمنهجين حلوين phonics الجولى فونيكس والاكسفورد ولسه هاتكلم عنهم باستفاضه .الأطفال الصغار يستحسن البدأ بالجولى فونيكس وممكن نكمل اكسفورد مع إمكانية الدمج بينهم وهابقى أقول ده يتحقق إزاى .
٢.بعد معرفة الأصوات للحروف حسب اى منهج انتى عاوزة تمشى بيه ..معرفة المقاطع الصوتية المتكررة بعضها داخل الفونيكس بعضها لا .er .or .th .gh .tion .ing وهكذا
٣.الكلمات المتشابهة اجمعهها مع بعض واشوف الاختلافات بينهم
٤. الحروف silent يعنى تكتب ولا تنطق اركز عليها واعرفه الكلمات اللى شبهها . وأحط نقطة تحت الحرفsilent (. ) ويبقى بيسمعها وعارف ان دى silent.
٥.لو كلمة كبيرة اقطعها لمقاطع صوتية صغيرة tea/ cher.
٦.لو كلمة كبيرة أردها لمصدرها واشيل الزيادة علشان اعرفها زى مثلا الكلمات اللى بتبدا بمقطعpre او re او postواعرف المقطع لوحده معناه ايه .مثلا pre يعنى before ..او postيعنى after او مثلا re يعنى repeat . او الكلمات بتنتهى ب tion .او ure ودى هاتتعرف بالممارسة الكتير .
٧. اعرف sight words وكمان الحروف vowels
٨.بعد مافهم وعرف القواعد نأكد انه يتبع لسانه ونطقه .يعنى ننطق ونكتب مع مراعاة قواعد الفونيكس اللى فوق و الكلمات للى فيها حروف silent او vowel لان الsilent لا ينطق .والvowel يتغير نطقه باختلاف موقعه فى الكلمة مع حروف أخرى .يعنى بيتغير صوته .
٩.طبعا فيه كلمات شاذة لا تتبع أى مقطع او أى قاعدة فدى تتعرف زى ماهى .
* طيب دى القواعد .أرتبها ازاى وأخليها أفكار أقدر أطبقها وأعلى به حاسة ونمط تانى مع نمطه الأساسى او أعلى تركيزه
١.. كشكول النشاط ..كشكول جميل ومميز باسم الطفل غير بتاع المدرسة ونكتب فيه الكلمات بالترتيب المترابط .وأميز المقاطع بالهاى لايت أو لون مختلف .
٢. الكتابة بخط كبير وواضح ويستحسن بالالوان الفلوماستر وكأنه كراسة نشاط وممكن نعمل الاكتفتى الخاص بكل درس جنب الكلمات سواء رسم او قص ولصق او أى شئ .
٣. الطفل السمعى .سجلى الكلمات بصوته او بصوتك وخليه يقول الاسبلنج فى هيئة نغمة أو أغنية او صقفة او إيقاع معين أو حكاية ويكررها .
٤. لما نيجى نذاكر يستسحسن استخدام بورد سواء كبيرة او صغيرة وابعدوا عن جو الكراسة خصوصا لو طفل حركى وملول .
٥.لو الكلمات كتير اكتر من استيعابه خدى بعضهم وسيبى الباقى وركزى على دول خصوصا لو طفل تركيزه بسيط.
٦.علقى ورقة قدامه على المكتب بالكلمات اللى بيقع فيها وخليها قدامه علشان تقع عينه عليها كل شوية .سواء باقى على لوحة مهام ولا الصقيها على الحيطة أى كان وبعد فترة هاترجع مكانها فى كشكول النشاط.
٧. الجزء الخيالى والمحبب لى ولعبدالله .نكتب على الهوا وده بياكدلى إنه ثبت فى دماغه . فى اخر اليوم قبل ماننام ممكن نراجع كلمة او كلمتين او كلهم على الهوا . او الصبح وهو قايم من النوم .
٨.لوحة بالفونيكس " انا استخدمت لوحة الجولى فونيكس " ونراجع عليها كل شوية . .
٩.مقاطع فلاش كاردز .وكلمات الفونيكس فلاش كاردز نراجع بها الكلمات
*الأدوات المستخدمة :
كل ما يجذب انتباهه ويحبه زى ألوان. ورق قص ولصق . هاى لايت .استيكرز .رسوم توضيحية ..أنشطة يدوية بس غيرى ونوعى
*فيه تفاصيل أكتر بمناهج الفونيكس هايبقى ليهم بوست منفرد
دى خلاصة تجربة وبحث يارب تقدروا تستفيدوا بها
فى الصور نموذج للأدوات والطريقة .
دمتم بخير













تعليقات
تعليق واحد
إرسال تعليق
  • 👤 Unknown

    ماشاءالله موضوع جميييل جدا ومفيد ربنا يجعله فى ميزان حسناتك