خطوات التقديم في وظائف معلمين وزارة التربية والتعليم
خطوات التقديم في وظائف معلمين وزارة التربية والتعليم

أعزائي متابعي المدرس بوك أهلا وسهلا بكم نظرا للكم الكبير من الأستفسارات الواردة علي رسائل الصفحة بخصوص خطوات تسجيل طلب متقدم في مسابقة وزارة التربية والتعليم للعقود المؤقتة الجديدة، وصعوبة الأجابة عنها علي حدي فقررنا نوفرلكم الطريقة في مقال سهل وبسيط وتقدر تشيره مع زمايلك المتقدمين بكل سهولة.

خطوات التقديم في مسابقة وزارة التربية والتعليم 2019

1 - أول شيء تشوف تخصصك مطلوب في إدارتك اللي انت تابع لها طبقا للعنوان اللي مكتوب في البطاقة ، ولو غيرت محل الإقامة لازم يكون مر سنة علي الأقل بعد تغيير محل الإقامة .ولمعرفة التخصصات المطلوبة .

ده رابط التخصصات المطلوبة في كل المحافظات ادخل واختار محافظتك من هنا .


2 - لو لاقيت تخصصك مطلوب في إدارتك ، هتدخل تسجل علي الرابط ده  من هنا
3 - وانت بتسجل لازم تكتب بياناتك صحيحة وبدقة وتكون بياناتك مطابقة للأوراق عشان لو في حاجة مخالفة للشهادات أو كاتب تقدير أعلي أو أي شىء مخالف للشهادات سيتم استبعادك نهائيا من المسابقة ، لأن سيتم مراجعة البيانات اللي في الاستمارة مع الشهادات اللي قدمتها .


4 - بعد ما تسجل بياناتك علي الموقع ، وتكون مستوفي الشروط هتعمل حفظ وتطبع الاستمارة من علي الموقع بعد التسجيل مباشرة .
5 - بعد ما تطبع الإستمارة هتاخدها مع الشهادات و الأوراق اللي مطلوبة وتروح تقدمها للإدارة التابع لها خلال الأسبوع القادم .
يعني هتقدم الأوراق مع الإستمارة قبل إعلان النتيجة .

6 - سيتم مراجعة الأوراق والشهادات ومطابقتها مع الإستمارة اللي طبعتها من علي النت من قبل اللجنة المشكلة في الإدارة .
7 - بعد انتهاء أسبوع التقديم علي النت وتقديم الأوراق ، سيتم تحديد موعد المقابلة الشخصية والاختبارات .


8 - بعد ذلك سيتم ترتيب المتقدمين وفق للمعايير والقواعد التالية بالترتيب :-
1 - محل الاقامة في البطاقة يكون مطابق للإدارة التابع لها ويكون مر عليها سنة علي الأقل في حالة تغيير محل الإقامة .
2 - الأعلى في مرتبة الحصول على المؤهل الدراسي ( الأعلي في التقدير ) وليس بالنسبة المئوية .


تعليقات
4 تعليقات
إرسال تعليق
  • 👤 Unknown

    لو سمحتو انا تخصصى مطلوب ف التعليم الفنى وكل مااقدم مش بيظهر تخصصى لانه ال بيظهر ال مطلوب ف ابتدائى واعدادى بس لو حد يعرف ازاى أقدم الوظيفة مدرس اقتصاد منزلى يعرفني ..

  • 👤 محمد ايمن

    الموقع مش راضي يطبع الاستمارة هل من حل ؟

  • 👤 غير معرف

    اللى مكتبش ايمل يعرف نتيجة المسابقه ازاى

  • 👤 غير معرف

    اللى معندوش اميل يعرف نتيجة المسابقه ازاى