الخلاصه في الأبحاث بطريقه سهلة نقدم لكم أعزائي الطلاب سؤال وجواب يشرح لك بكل تفصيل ما تريد معرفته عن الأبحاث وازاي تجاوب عنها وترفعها علي موقع المنصة كالتالي

ــــــــــــــــــــــــــــــــــ
س: هو هيبقى لكل مادة بحث؟
ج: لا البحث هيكون واحد بس يشمل كل المواد الدراسية.
ــــــــــــــــــــــــــــــــــ
س: هنبدأ امتى فى عمل الأبحاث؟

ج: الوزارة هتعلن عن مواضيع الأبحاث يوم ٩ أبريل الحالى.
ــــــــــــــــــــــــــــــــــ
س: ينفع أعمل البحث لوحدى و لا لازم ابقى في مجموعة؟

ج: ممكن تعمله لوحدك و كمان ممكن تبقى فرد في مجموعة أقصاها ٥ طلاب ، وكلهم هيتكتب اساميهم واكوادهم علي البحث .
ــــــــــــــــــــــــــــــــــ
س: هل البحث عليه درجات؟

ج: مفيش درجات. التقييم هيبقى اما مقبول أو غير مقبول.
ــــــــــــــــــــــــــــــــــ
س: هل مدرس الفصل هو اللى هيقيم البحث بتاعى؟

ج : لا الوزارة هى اللى هتقيم البحث. المدرس له دور توجيه فقط.
ــــــــــــــــــــــــــــــــــ
س: هل فيه نموذج مصور نعمل على أساسه الأبحاث؟

ج : موجود هنا 👇
https://bit.ly/2xT3Y8r
ــــــــــــــــــــــــــــــــــ
س: إيه هى المصادر أو المراجع اللى هجيب منها معلومات للبحث؟

ج: ممكن كتاب المدرسة. المكتبة الرقمية من على المنصة أو أى كتب و مصادر أخرى.
ــــــــــــــــــــــــــــــــــ
س: ما هى المدة المتاحة قدامى عشان أخلص فيها البحث؟

ج : من يوم ٩ أبريل لغاية ١٥ مايو.
ــــــــــــــــــــــــــــــــــ
س : البحث هيتكتب يدوي في ورق ولا علي الكومبيوتر ؟

ج : ينفع كده وبينفع كده
ــــــــــــــــــــــــــــــــــ
س : لازم اسلم البحث على الإنترنت؟

ج : اللى يعرف يسلمه على المنصة ماشى. أما اللى ما يعرفش يكتبه يدويا و يسلمه للمدرسة ترفعه على المنصة.
ــــــــــــــــــــــــــــــــــ
س: هل هنعمل البحث عن موضوع معين مفيش غيره؟

ج : لا الوزارة هتوفر ٥ مواضيع مختلفة لكل صف و انت تختار الموضوع اللى يناسبك.
ــــــــــــــــــــــــــــــــــ
س : ايه لازمه الكود اللي جبناه ؟

ج : هيتكتب مكان الاسم في البحث
ــــــــــــــــــــــــــــــــــ
اللي مجبش الكود يجيبه من هنا 👇
https://bit.ly/34hN3sd

هاااااااااااااام جدا ... ازاي هنعمل البحث . من موقع الوزاره
ــــــــــــــــــــــــــــــــــ
فيديو توضيحي لشرح كيفية التعامل مع المشروعات البحثية في سنوات النقل والشهادة الإعدادية، ويوضح كيفية البحث عن المعلومة في المكتبة الرقمية والتعامل مع عناصر المشروع.👇

https://bit.ly/2UOz2z6
ــــــــــــــــــــــــــــــــــ
مش لا يستطيع الوصول إلى المكتبة الرقمية، يمكنه البحث في محتوى الكتب الدراسية الورقية أو أي مصادر أخري متاحة.



تعليقات
32 تعليقًا
إرسال تعليق
  • 👤 Unknown

    شكرا جزيلا على الموضوع اللي جميل شكرا المدرس بوك

  • 👤 Unknown

    ممكن شرح لرفع البحث علي المنصة بعد الانتهاء منه ؟؟؟

  • 👤 Unknown

    شكرا

  • 👤 حماده فايد

    شكرا للافادة

  • 👤 Unknown

    لو سجلنا البيانات ناقصة على المنصة اية الحل

  • 👤 Unknown

    شكرا استفدنا جدا من الشرح المبسط

  • 👤 Unknown

    ممكن اجيب البحث من المدرسة

  • 👤 Unknown

    جميل جدا بس يعنى ايه ارفعه على المنصة

  • 👤 BOodyzakii

    هو احنا لازم نشترك من الي معنا في الفصل ولا ممكن نشترك مع حد من فصل تاني😇

  • 👤 Unknown

    طيب لو البحث غير مقبول يحصل أية لان كل طالب قدرات مختلفة عن غيرة ايه الحل

  • 👤 Unknown

    أنا مش عارف اجيب كود الفصل وكود الوالدين

  • 👤 Unknown

    بارك الله فيكم وجعله في ميزان حسناتكم

  • 👤 Unknown

    شكرا جدآ

  • 👤 Unknown

    ممكن شرح كيف ارفع البحث على المنصة.

  • 👤 omar

    ازاي اكتبه وارفعه علي المنصه

  • 👤 omar

    ارفع ازاي علي المنصه

  • 👤 روائع السنين

    ممكن شرح كيف ارفع البحث على المنصة.

  • 👤 غير معرف

    هو ال مشعارف يعمل حاجه يتصرف ازاي 💔🙂

  • 👤 اسامة

    الرجاء ارسال رابط لبرنامج تحويل ملفات البحث من وورد الى pdf

  • 👤 Unknown

    شكرا علي الشرح المبسط

  • 👤 Unknown

    شكرا علي الشرح

  • 👤 Unknown

    كيفية رفع البحث على المنصة لو سمحت

  • 👤 Unknown

    يلعن ابو ده وزير

  • 👤 Unknown

    لو سمحت محتاج اعرف كيفية رفع البحث على المنصة

  • 👤 Unknown

    ازاى ادخله على المنصة

  • 👤 Unknown

    ازاى ادخله على المنصة

  • 👤 Unknown

    القافلة تسير شكرااااا .....هكذا الانبياء من قبل ....... العلماء ورثة الانبياء

  • 👤 Unknown

    الله المستعان ..........سر على بركة الله

  • 👤 Unknown

    على بركة الله

  • 👤 esraa

    لو سمحت ممكن تعرف ازاي ارفع بحث المجموعه ع المنصة

  • 👤 غير معرف

    ممكن اكبب البحث علي ورق فلوسكاب رد عليه ضروري لو سمحت

  • 👤 Unknown

    ازي ارفع البحث علي منصه وزارة التربية والتعليم