اضطراب فرط الحركه عند الاطفال .. ماهو .. اسبابه .. وعلاجه


اضطراب فرط الحركة ونقص الانتباه مرض بيصيب الاطفال قبل سن 12 سنة بيظهر في شكل نقص في الانتباه، حركة كتير واندفاعية شديدة، الطفل اللي عنده نقص في الانتباه ما بيقدرش يركز لفترات طويلة ودا بيسبب مشاكل دراسية، كمان ما بيعرفش يركز في التفاصيل وبينسى كثير، سهل يتشتت وعنده صعوبة في انه يكمل اى حاجة للآخر .




الحركة الزيادة والاندفاعية بتخلي عنده صعوبة في انه يقعد في مكانه، دايما بيفرك، حركته كتير صعب انه يلعب بهدوء وبيتصرف من غير تفكير، بيتكلم كثير، بيجاوب من غير ما يسمع ويقاطع الناس وهما بيتكلموا .

الاعراض دي ممكن تبقى عادية في سن الطفولة وممكن برضه تشخص الاضطراب، مدى تأثير الاعراض دي على كفاءة ابنك او بنتك سواء في المدرسة او في علاقاته مع اصحابه واسرته، وجودها بصفة مستمرة مع اختلاف الانشطة اللي بيمارسها والاماكن اللي بيتواجد فيها وتقييم الطبيب النفسي هو اللي بيفرق ما بين الاتنين. لو حاسيت ان ابنك عنده الاعراض دي بشكل اكبر من اقرانه استشير الطبيب النفسي عشان تعرف وتطمن. اضطراب فرط الحركة ونقص الانتباه له علاج سواء دوائي او سلوكي او برامج اسرية وكلها بتجيب نتائج كويسة جدا.


طيب انا ابني عنده اضطراب فرط الحركة ونقص الانتباه، في اى حاجة ممكن تتعمل سواء في البيت او المدرسة عشان نساعده ؟
طبعا في تعليمات ونصائح للاهل في البيت وللمدرسين في المدرسة عشان يساعدوه، هنذكر منها بعض الحاجات البسيطة اللي تأثيرها بيبقى كبير .

ترتيب كل حاجة بشكل ثابت بيقلل الحوادث والاصابات، الالتزام بروتين ثابت يوميا بيساعده أنه يركز، المكان اللي ابنك بيذاكر فيه لازم يبقى هادي وبيعيد عن اى مشتت، قسم المطلوب منه لخطوات اصغر، اديله امر بسيط وواضح في كل مرة، اديله فترات راحة يتحرك فيها براحته، شجعه دايما وكافئه على اى تغيير ايجابي بيعمله ، وخليك حريص انه يمارس الرياضه بانتظام.


يفضل انه يقعد قريب من المدرس ويبقى محاط بالاطفال الاكثر هدوءا، نحاول نقلل من اللوح والزينة جوا الفصل واللي ممكن تشتت انتباهه ، يا ريت المدرس ينادي عليه ويبص له وهو بيشرح، نديله المهام اللي محتاجة حركة زي مسح السبورة او لم الكراريس، نقسم المطلوب منه لخطوات اصغر، اذا المدرس طلب منه حاجة يا ريت يتأكد انه بدأ يعملها على طول، وانه كتب الواجبات اللى وراه قبل ما يروح من المدرسة.





اشترك في صفحتنا علي الفيس بوك لجديد من الشروحات والوسائل التعليمية :
 انضم لجروبنا علي الفيس بوك من خلال الرابط :






  • ليس هنالك تعليقات :

    إرسال تعليق

    ملازم جميع المراحل

    لايك لصفحة الفيس بوك

    انضم لجروب المدرس بوك

    قرارات وزارية هامة

    أفضل 10 مواضيع