المدرس بوك المدرس بوك
random

آخر الأخبار

random
جاري التحميل ...

اهم نصائح تربوية للاب والام لكي تساعد ابنك علي التركيز وتنميه ذاته

مجموعة من النصائح التربوية للاب والام

اعزائي رواد موقع المدرس بوك نقدم لكم اليوم مجموعة من النصائح التربوية التي تساعد كلا من الاب والام علي تربية الابناء مصممة علي شكل صور جميله من اعداد الاستاذة مني جابر توضح كيف تتعامل مع طفلك وكيف تجعل سلوكه قويمًا وتعوده كيف ينمو بنفسه ويطورها .


النصيحة الاولي : 

ساعد ابنك يكتشف حلمه متحاولش تحقق حلمك من خلال ابنك لانك اتربيت في زمن غير زمنه فساعده  يكتشف حلمه ويرسم مستقبله 

النصيحة الثانية :

ركز مع ابنك في كلامه لما ابنك يتكلم معاك بلاش الموبيل والفيس بوك وركز معاه وخلي عينك في عينه وانتا بتكلمه لانه وقتها هيتعلم الثقة في نفسه وهيحس انه مهم .

النصيحة الثالثة 

احضن ابنك  حضن الاب أو الأم للابن بيحسسه بالأمان والهدوء فياريت تكون دي عادة عندك ومارسها معاه باستمرار .

النصيحة الرابعة : 

الخمس سنوات الاولي من حياة أولادنا هي التي يكونوا فيها صورة عن انفسهم وتستمر معهم طوال حياتهم 

النصيحة الخامسة : 

 بلاش تعاقب ابنك وانتا متعصب 
اياك ثم اياك معاقبة ابنك وانتا غضبان لان دا بيكون عواقبه وخيمه وممكن يسبب ضرر نفسي وجسدي لابنك طول عمره وكل ما تلاقي نفسك غضبان جدا افتكره وهو نايم ولا حول له ولاقوة .. 
واعرف انه من قواعد العقاب انه ميكنش قدام اخواته وان ايدك متعديش كتفك وأنتا بتحاول تضربه وكمان ميكونش ضرب مبرح ولازم تعرفه سبب عقابه ايه

النصيحة السادسة 

حاول تفرغ نفسك يوم الاجازة وتخليه كله لابنك لانه بيستني اليوم دا بفارغ الصبر فياريت يكون يوم مميز 

النصيحة السابعة :

احضن ابنك لحد الشبع لانه يحتاج الاحساس بالدفء وبوجود مكا ن امن يلجأ اليه 

النصيحة الثامنة 

اتكلم مع ابنك في كل المواضيع وحاول وانتا بتكلمه ميحسش أنه صغير بل بالعكس اتكلم معاه كانه كبير وفاهم 

النصيحة التاسعة 

اكبر غلطه بيقع فيها الاباء لما يقارنوا ابنائهم باقرانهم في العمر من ابناء الجيران أو الاهل . المفروض كل واحد فينا يعرف أن كل طفل ليه فروق فردية وحاجات يتفوق فيها عن غيره فبدل ما نحبطه نحاول ننمي معاه الفروق دي ونعالج ضعف الفروق الاخري

النصيحة العاشرة : 

علم ابنك الخصوصيه لما تنفذها الاول انتا في تصرفاتك وحاول دايما لما تعلمه أي سلوكية تكون عملتها قدامه مره وعشره في سلوكياتك انتا لان الطفل في العمر دا بيميل إلي التقليد فخليه يقلد سلوكيات سليمة وابعد عن السلوكيات الخاطئة


النصيحة الحادية عشر: تقبل هدية ابنك أي كانت لان هذا يولد شعور عند بقيمته عندك 


النصيحة الثانية عشر : 
استمع لابنك لنهاية حديثه معك لتدعيم احساسه بالامان والثقة فكثير منا يلجأ إلي اخصائي التخاطب لحل مشكلة الكلام وهو لا يكلم ابنه ولا يستمع اليه

النصيحة الثالثة عشر :
عند الخطأ في حق ابنك بادر بالاعتذار لكي يتعلم ثقافة الاعتذار لانه يقلدك في كل ما تقوم به فأنت أولا واخيرا قدوته 

النصيحة الرابعة عشر : 

دائما ما تشكي من زيادة نشاط الطفل ودا بيكون السبب الاول ليه شعور الطفل بالملل لانه طالما حس بالملل هيطلع زهقه دا في أي شي حواليه سواء الاثاث او اللعب أو والديه فحاول تخليه يستمتع بوقته 

النصيحة الخامسة عشر 
حاول في أثناء الحمل تبعد عن مضايقة زوجتك لانه صدقني في الاول والاخير كل دا هيطلع عليك بشكل أو بأخر وحاول تتفهم أن الستات في الحمل بتتغير كليا سواء في الطباع أو التصرفات ودا غصب عنها وكمان الحالة النفسية والجسمية للام الحامل بتأثر علي مستوي نشاط الطفل وقدرته علي التركيز فيما بعد 

التعليقات



جميع الحقوق محفوظة

المدرس بوك

2016