المدرس بوك المدرس بوك
random

آخر الأخبار

random
جاري التحميل ...

الملامح العامة لنظام الثانوية الجديد في ست نقاط 2018


 اعلن الدكتور طارق شوقي، وزير التربية والتعليم والتعليم الفني ، عن الملامح الرئيسية للنظام الجديد للثانوية العامة ، وبإختصار شديد هي تتلخص في الاتي :

1- مجموع الثانوية العامة مش هاينحصر بس في درجات الطالب في امتحانات 3 ثانوي  لا ده هايبقى المجموع تراكمي يتحسب من نتايج الطالب في 1 و 2 و 3 ثانوي

2- نتيجة الطلاب التراكمية دي مش بس هاتتحدد على درجات الطالب في الامتحان اللي بيقيس مدى حفظ الطالب للمنهج المحدد .. لا هايكون في تقييمات على الانشطة والحضور والسلوك.

3- بيفكروا كمان ان مايبقاش نتيجة الثانوية بالدرجات ، لا ممكن اوي تبقى بالتقدير العام زي نظام الجامعات كدة

4- الوزارة بتفكر ان مايبقاش في حاجة اسمها علمي و ادبي على اعتبار اننا في عصر بقى فيه العلوم والمعارف متداخلة (بس على فكرة الوزير لسة ما اخدش قرار نهائي في الجزئية دي لانه لسة بيفكر فيها و بيدرسها)

5- شهادة الثانوية في النظام الجديد هاتكون صالحة لمدة 5 سنين ....بحيث ان الطالب من حقه في اي وقت طول ال5 سنين دول يحاول يوصل لهدفه و للكلية اللي هو عايزها

6- مش هايبقى في حاجة اسمها مكتب تنسيق .. لكن هايبقى كل جامعة وكل كلية حاطة شروط معينة للقبول فيها و محددة هي محتاجة تقبل كام واحد السنة دي وفقا لاحتياجات سوق العمل، وهايكون في اختبار قدرات لكل كلية بحيث ان الطالب يدخل الكلية المناسبة لقدراته و رغباته ، يعني خلاص المجموع مش هو اللي هايتحكم في مصير الطالب

على فكرة دي مجرد ملامح عامة ...لكن النظام الجديد لكل عناصره و تفاصيله هاتعلن بشكل أوضح في شهر 7 ان شاء الله
  1. اخيرا عرفتوا الصح ماكان من الأول
    خبر ممتاز وتوكل على الله وربنا يوفقك يادكتور شوقى لان الدروس الخصوصيه حربا بيوتنا

    ردحذف

التعليقات



جميع الحقوق محفوظة

المدرس بوك

2016