الأوراق المطلوبة للتقديم في الكليات بعد ظهور نتيجة التنسيق 2017

الأوراق المطلوبة للتقديم في الكليات بعد ظهور نتيجة التنسيق 2017
    بعد ظهور نتيجة تنسيق المرحلة الأولي يتسائل طلاب الثانوية العامة عن الأوراق المطلوبة للتقديم في الكليات بعد ظهور نتيجة التنسيق ولذلك اعددنا لكم هذا المقال ليكون مرشدك في الذهاب للجامعة والتقديم في كليتك

    الأوراق المطلوبة للتقديم لكليات الثانوية العامة 

    ١ - صورة بطاقة الترشيح .
    ٢ - اصل شهادة الثانوية العامة + صورة منها .
    ٣ - اصل شهادة الميلاد + صورة منها .
    ٤ - صورة البطاقة الشخصية .
    ٥ - عدد ٦ صور حديثة مقاس ٤ في ٦ .
    ٦ - استمارة ٢ جند [ للذكور فقط ] .
    ٧ - استمارة ٦ جند [ للذكور مواليد 98 فيما فوق فقط ] .
    ٨ - المصاريف [ تختلف من كلية للتانية ] .

    نصائح هامة أثناء التقديم للجامعة : 

    1- صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
    2- الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
    3- استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
    4- بعض الكليات بتطلب دوسيه بلاستيك مع ورق التقديم ، عشان تحط فيه ورقك .
    5- التقديم للكليات لسه بدري عليه ، وكل كلية بتعلن مع نفسها انها فتحت باب التقديم ، بس جهز ورقك بدري .
    6- شهادة الميلاد لو عندك واحدة قديمة ، اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .
    7- لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
    8- مواليد 99 من الذكور مفيش ليك استمارة ٦ جند لان سنك لسه صغير ، ولو روحت تجيبها هيقولك مفيش ليك .
    9- صورة البطاقة الشخصية مهمة في بعض الكليات فالكل يعملها احتياطي .

    شارك لتعم الفائدة
    1. شكرا جزاك الله خيرا

      ردحذف
    2. وانا اعرف كليتي فتحت امتى

      ردحذف
    3. حضرتك فترة تقديم الاوراق للكلية لحد امتى

      ردحذف
    4. طب و مواليد٩٩ يجيبو حاجه مع ال٢ جند شهادة صغار سن مثلا ولا ٢ جند بس

      ردحذف
    5. طب و مواليد٩٩ يجيبو حاجه مع ال٢ جند شهادة صغار سن مثلا ولا ٢ جند بس

      ردحذف
    6. من فضلكم مواليد ٩٩ الاوراق المطلوبة بالظبط

      ردحذف