خطوات تسجيل رغبات التنسيق للثانوية العامة 2017 بالصور


خطوات تسجيل رغبات التنسيق للثانوية العامة 2017 الدليل الشامل لمعرفة خطوات التنسيق بالصور لكي تحصل علي الكلية التي تريدها بالشكل الصحيح وتتغلب علي مشاكل التنسيق وخطواته الصعبة تابع معنا .

خطوات تنسيق الثانوية العامة 2017 بالصور : 

1 - قم بفتح لينك تنسيق الثانوية العامة   من هنا  .

خطوات تنسيق الثانوية العامة 2017

2 - قم باختيار نظام حديث .

تنسيق الثانوية العامة 2017 بالصور 

لمعرفة مصاريف الجامعات الخاصة اضغط هنا 

3 - ادخل رقم الجلوس ، والرقم السرى الـ موجود فى شهادة الثانوية العامة الـ هتجيبها من المدرسة ، اوعى حد يعرف الرقم ده غيرك ألا يخش ينسق لك أو يعدل لك فى التنسيق ، بعد كدا هتكتب الرقم التأكيدى الـ هو المشفر ده ، بعد كدا تضغط الخطوة التالية.

ما هي خطوات تنسيق الثانوية العامة 2017

تعرف خطوات ومصاريف تقديم تظلمات الثانوية العامة 2017 من هنا 

4 - هتظهر معاك الصفحة الرابعة دى ، بياناتك ، فيه بياناتك ، بتبقا مشفرة غير قابلة للتعديل ، كتأكيد للبايانات بتاعتك بس بيعرفك يعنى ، مجموعك ولغتك الأولى ودرجتها ولغتك التانية ودرجتها وتاريخ ميلادك .. الخ ، هتضغط الخطوة التالية.

5- هتظهر لك صفحة الرغبات ، ركزوا معايا هنا بقة ، هتلاقى عندك جدول مكون من 60 خانة ، المفروض انك تضيف فى الـ 60 خانى دول الكليات الـ انت عايزها بالترتيب بحيث الكلية الـ متلحقهاش ياخدولك الكلية الـ بعدها ولو ملحقتهاش ياخدوا الـ بعدها .. وهكذا ، لما تيجى تضيف الكليات اختار التخصص ، هيظهر لك هندسة ، حاسبات ، فنون جميلة .. الخ ، لو انت عايز تحط هندسة فى الأول ، اختار كل كليات هندسة الـ هتطلع لك بالترتيب ، لازم بيجبرك إنك تدخل أول أقرب كليتين ليك ، يعنى لو انت من كفرالشيخ هيجبرك تدخل هندسة كفرالشيخ رقم واحد وبعدين المنصورة وبعدين تختار براحتك الباقيين متلغبطين ، تركز فى الاختيار ده علشان الكلية الـ هتتفوت ومش هتلحقها هيدخل لك على الـ بعدها ، وتختار بالمعقول ، يعنى متبقاش جايب 90% انت أدبى ورايح تحط سياسة واقتصاد فى الأول وبعدين السن .. الخ وتملا الجدول بكليات انت مش هتلحقها على الفاضى وتتزنق فى الاخر وميفضاش ليك أماكن لباقى الكليات ! ، قدامك سهم طالع وسهم نازل ، دى لو انت عايز تجيب كلية قبل كلية او كليلة بعد كلية تعدل من السهم الطالع والنازل دول.

تعلم كيف تنسق لكليتك بالصور بنفسك

6- بعد كدا هتخش على الخطوة الـ بعدها الخطوة التالية.
7- هتظهر لك الصفحة الـ بعدها ، هيطلب منك بيانات للتأكيد ، الرقم القومى ، ورقم الهاتف ، والرقم السرى ، حط له البيانات دى واضغط الخطوة التالية.
8- هتظهر لك الصفحة الأخيرة ، وهى عرض لقايمة الرغبات الـ انت حطيتها ، تطبعها وتخليها معاك.

تنسيق الثانوية العامة 2017

ملحوظة :
- فترة التنسيق بتتفتح لمدة معينة الوزارة بتحددها ( 5 أيام مثلا ) ، انت متاح ليك فى الـ 5 أيام دول لو حابب تعدل فى كلية وتجيبها مكان كلية أو تعمل أى حاجة براحتك ، تفتح الموقع بنفس الطريقة وتعدل عادى وتحفظ.
- قبل ما التنسيق يتقفل بيوم ، افتح الموقع اتأكد ان كل حاجة سليمة.
- الوزارة هتقفل التنسيق بعد انتهاء الفترة المحددة وبعدها بحوالى 3 أيام النتيجة بتظهر ، بتفتح الموقع بنفس الطريقة ، وتضغط الحصول على بطاقة الترشيح ، بيقولك انت اتقبلت فى كلية ايه ، وفى نفس الوقت بيظهر تنسيق الكلية الـ انت دخلتها خدت من كام فى % وكام مجموع.
- هتطبع بطاقة الترشيح وتروح تقدم بيها فى الكلية مع الأوراق التانية المطلوبة ( هبقا اتكلم عنها برده ).
- فيه حاجة اسمها تقليل اغتراب ، يعنى انت لو انت ملحقتش كلية محافظتك ودخلت مكان بعيد ، ليك الحق تعمل تقليل اغتراب وترجع كلية محافظتك حتى لو مجموعها بياخد اعلى من مجموعك ! ( دى الوزارة بتحدد معادها بعد التنسيق لما بيخلص وقبل ما تدخل الكليات ).


  • ليس هنالك تعليقات :

    إرسال تعليق

    ملازم جميع المراحل

    لايك لصفحة الفيس بوك

    انضم لجروب المدرس بوك

    قرارات وزارية هامة

    أفضل 10 مواضيع