"التعليم": تطبيق النظام الجديد الثانوية العامة العام الدراسى 2018/2019

"التعليم": تطبيق النظام الجديد الثانوية العامة العام الدراسى 2018/2019

    أعلن الدكتور طارق شوقي، وزير التربية والتعليم والتعليم الفني ، عن الملامح الرئيسية للنظام الجديد للثانوية العامة ، وباختصار شديد هي تتلخص في الاتي :
    1- مجموع الثانوية العامة مش ها ينحصر بس في درجات الطالب في امتحانات 3 ثانوي لا ده هايبقى المجموع تراكمي يتحسب من نتائج الطالب في 1 و 2 و 3 ثانوي
    2- نتيجة الطلاب التراكمية دي مش بس ها تتحدد على درجات الطالب في الامتحان اللي يقيس مدى حفظ الطالب للمنهج المحدد .. لا هايكون في تقييمات على الأنشطة والحضور والسلوك.
    3- بيفكروا كمان ان مايبقاش نتيجة الثانوية بالدرجات ، لا يمكن اوي تبقى بالتقدير العام زي نظام الجامعات كدة
    4- الوزارة تفكر ان مايبقاش في حاجة اسمها علمي و ادبي على اعتبار أننا في عصر بقى فيه العلوم والمعارف متداخلة (بس على فكرة الوزير لسه مخدتش قرار نهائي في الجزئية دي لانه لسه بيفكر فيها و بيدرسها)
    5- شهادة الثانوية في النظام الجديد تكون صالحة لمدة 5 سنين ....بحيث أن الطالب من حقه في اي وقت طول ال5 سنين دول يحاول يوصل لهدفه و للكلية اللي هو عايزها
    6- مش هيبقى في حاجة اسمها مكتب تنسيق .. لكن هيبقى كل جامعة وكل كلية حاطه شروط معينة للقبول فيها و محددة هي محتاجة تقبل كام واحد السنة دي وفقا لاحتياجات سوق العمل، وهايكون في اختبار قدرات لكل كلية بحيث أن الطالب يدخل الكلية المناسبة لقدراته و رغباته ، يعني خلاص المجموع مش هو اللي يتحكم في مصير الطالب

    إرسال تعليق