أعلنها صريحة في لقاء الأمس "العقد شريعة المتعاقدين" ويجب علي المعلمين أن يتعلموا رقي الحوار واللغة ، واشعر بالضيق تجاه ردود فعل المعلمين علي الفيس بوك ، كل هذه كانت كلمات دكتور طارق شوقي وزير التربية والتعليم خلال لقاءات تلفزيونية عدة.

ولكن ما سبب حالة من الضيق والغصب بين المعلمين التصريح الخاص بالرواتب ، حيث قالل "الناس عارفه رواتبهم وتقدموا للوظيفة على أساسه، جايين يطالبوا برفع الرواتب ليه، ده مش حق مكتسب ولا معونة اجتماعية.. وحافز الاداء ليس فردة كما يعتبرة المعلمون .. ولابد من توافر 3 صفات في المعلم حتى نرفع راتبه، وهي الكفاءة، والجودة، وحب المهنة"

وقد رتب علي هذا الاساس دكتور طارق شوقي النقاط التي يجب علي المعلم أن يعمل بها من أجل عمل الوزراة علي رفع راتبه وهي:
  • الكفاءة
  • الجودة
  • حب المهنة


وبعدها أكمل السيد الوزير كلامه بأن الوزارة تعمل بجهد علي رفع رواتب الأكفاء من المعلمين وقد قال عنهم: "المعلم الجيد الذي يهوى ويحب ويعشق مهنة التعليم، ويشعر بمسؤوليته تجاه الأطفال هو أهم عناصر العملية التعليمية".

وقد علق بعض نشطاء المعلمين علي كلام السيد الوزير بخصوص العقد شريعة المتعاقدين بالأتي:
رداً على وزير التعليم " انتم عارفين المرتب من الاول "
شوف يا معالي الوزير اه احنا كنا عارفين المرتب من الاول وزي ما قلت العقد شريعة المتعاقدين... بس انت بقا ما اخدتش بالك من كام حاجة.... وهي
اولا اخر دفعة تعيينات كانت من تلات سنين تقريباً ايام ما كان الدولار ب9 جنية يعني مرتب المعلم المعين وقتها كان حوالي 110 دولار دلوقت بقي الدولار ب 19 جنية وكسور يعني مرتب المعلم مبقاش محصل 55 دولار وحضرتك سيد العارفين ان الحكومة اللي هي الطرف التاني في العقد هي اللي غرقت قصدي عومت الجنية يعني هي اللي اخلت بالعقد
ثانيا تم رفع اسعار الوقود والضرايب والكهرباء والغاز في الفترة دي بنسب تتراوح ما بين 50 الى 150 % والحكومة بردو اللي هي الطرف التاني في التعاقد هي اللي عملت كدا
ثالثاً تم تثبيت البدلات الخاصة بينا على اساسي 2014 واالخصومات على 2017 بالمخالفة للقانون وبردو الحكومة الطرف التاني في التعاقد هي اللي عملت كدا
رابعاً بالنسبة بقا لحافز الاداء حضرتك احنا بندرس المناهج اللي انتم وضعتوها والقوانين والقرارات واللوائح اللي كلها تضارب اللي انتم بتصدروها يعني ماشيين على نفس السكة اللي انتم بترسموها يبقا مين اللي مفروض يتخصم من مرتبة احنا ولا حضراتكم
خامساً يا سيدي احنا موافقين نفضل محلك سر ومنخدش مليم زيادة ونلتزم بمبلغ التعاقد وشروطة بس تلتزم الحكومة كمان وتلغي كل قرارات زيادات الاسعار والتعويم مع العلم ان بتكلم عن السلع اللي الحكومة رفعتها عشان محدش يقولي جشع تجار والبوقين دول
وكمان متنازلين عن حافز الاداء بشرط يتشال من كل موظفي الوزارة واولهم حضرتك والوكلاء والمستشارين والمتابعين ما احنا كلنا بقا فشلة وفي منظومة واحدة فاشلة...

مقالات مرتبطة

تعليقات
ليست هناك تعليقات
إرسال تعليق
    إرسال تعليق