عودة الميدترم المنتهي خلال الفصل الدراسي الثاني 2018،وتخفيف المناهج إلي النصف،توحيد درجات الامتحان مع تطبيق مادة امتحانية واحدة كل يوم وتفاصيل أخري

عودة الميدترم المنتهي خلال الفصل الدراسي الثاني 2018،وتخفيف المناهج إلي النصف،توحيد درجات الامتحان مع تطبيق مادة امتحانية واحدة كل يوم وتفاصيل أخري

    اقترب الفصل الدراسي الثاني،واقترب معه وعود السيد وزير التربية والتعليم والتعليم الفني الدكتور طارق شوقي والتي تعددت ولكن تمحور معظمها حول اصلاح العملية التعليمية وكذلك تخفيف المناهج علي طلاب المراحل المختلفة وذلك عن طريق إزالة الحشو وتنقيح المناهج في جميع المراحل الدراسية.

    وفي هذا الصدد شارك أولياء الأمور في جروب "تمرد على المناهج التعليمية" بالتنمية والاصلاح عن طريق تقديم بعض المقترحات للدكتور طارق شوقي، وزير التربية والتعليم لكي يساهموا في تطوير وتنمية التعليم في مصر ،وجاءت هذه المطالب من رحم المعاناة اليومية مع أبنائهم ومع المناهج الدراسية وتتلخص المطالب في الأتي:


    • عوده الميد ترم المنتهي ..ده اللي طالبنا بيه من الاول ...عاوز تلغيه يبقي تلغي درجاته ..مش نلاقي الغلطه تضرب في 2 ،ده ظلم وضياع تعب العيال
    • لازم عدد الدروس او الوحدات يقل. لازم يقل ..ينزل النص كمااان ....ولا بيكون في وقت للشرح ولا للحفظ ولا للمراجعه ..الكميه كبيرة ..جدااااااااا
    • التعليم بالكم فااااااااااشل وخلانا في خارج التصنيف ..الدول كلها شغاله بالكيف مش بالكم ...
    • الرسم والكمبيوتر يلغي امتحانتهم في جدول الامتحانات..لانه ضغط وخلاص
    • جدول الامتحان يكون ماده واحده في اليوم ..يمنع تكون مادتين مهما كان
    • لازم الهوم وورك يلغي ..دوله زي فنلندا .لما لغيت الهوم وورك .التحصيل زاد وفي دراسه علي ده في النت ..ممكن الرجوع لها 
    • اي مسائل او تمارين تحل في المدرسه مع تقليل الدروس 
    • الاستيعاب حيكون احسن والطالب يتنفس هو واهله..مش نفضل نحل هوم وورك لحد 11بليل
    • يلغي طبع كل الكتب الخارجيه ويعمل كتاب مدرسي محترم فيه الشرح والتمارين بطريقه سهله ومبسطه زي الكتب الخارجيه 
    • والامتحانات لا لا لا تخرج منه ولا من تمارينه .
    • مش نذاكر من عشرين كتاب وبوكليت ومراجعات وبعدين كمان الامتحان من مخيلات واضع الامتحان
    • الدرجات كلها تكون واحده.. مثلا من 60 
    • مش نلاقي من 80 .40 ..100 وغيره ...
    • يعني اللي ينقص درجتين في العربي زي اللي ينقص 10في الدراسات لان العربي من 100والدراسات من 40 ...ده ظلم
    • سنه سادسه مش شهاده ...يبقي زيها زي اي سنه نقل في كل شئ ..مش حته حته


    إرسال تعليق