عزب برنامج الكتروني لتوحيد مرتبات المعلمين بجميع الإدارات والمحافظات

عزب برنامج الكتروني لتوحيد مرتبات المعلمين بجميع الإدارات والمحافظات
    تظل مشكلة اختلاف رواتب المعلمين بين الإدارات والمحافظات هي عائق كبير يواجه العديد من المعلمين في الحصول علي عدالة اجتماعية ،فنجد معلمين علي نفس الدرجة والوظيفة ولكن راتبهم يختلف من إدارة لإدارة أخري في نفس المحافظة ،ويختلف بفارق أكبر بين المحافظات ، ولهذا أجري نشطاء التعليم لقاء مع السيد محمد محمود عزب مدير مديرية التربية والتعليم بالمنيا وجاء اللقاء كالتالي 

    س- اكبر مشكله بتواجه المعلمين بالمنيا هى اختلاف المرتبات بين الادارات بل بين المدارس فى الادارة الواحده ماخطة حضرتك لحل تلك المشكله ؟

    برنامج الكتروني لمرتبات المعلمين 2018

    ج- بالفعل انا لاحظت كدا وسمعت معلمين كتير اتكلموا عن كدا مش بس فى المنيا دى للاسف مشكله فى معظم المحافظات ، لازم المعلم يبقا راتبه زى قرينه فى نفس التعيين فى اى ادارة او مدرسة تانية ، ولذلك جارى الان تصميم برنامج الكترونى يكون فيه كل القرارات والتعيينات حسب حالة كل معلم لتوحيدها على كل الادارات التعليمية بالمنيا ، وقد اصدرت توجيهات للاستاذ احمد عبد الحكيم رئيس الماهيات بسرعه انجاز البرنامج لحل مشكله تفاوت المرتباتبتوحيد المرتبات بين جميع الادارات

    ثانى مشكله بتواجه معلمين المنيا هى الخصومات من مرتبات المعلمين واخرهم علاوة 2008 من قرارات 53 و 74 و 244 ؟
    انا فعلا مطلع على المشكله دى ولكن هناك قرار صادر من التنظيم والادارة وهى الجهه التى توجه وتنظم عمل جميع المديريات التعليمية ، والقرار بيقول ليس من حق المعلمين العلاوة وبالتالى هناك مذكرات للعرض فى مختلف الجهات ولو ليهم حق هياخدوه وقت مايبقا فيه قرار بالاحقيه لكن القرار الحالى الموجود هو عدم احقيتهم فى العلاوة تم تعميم هذا القرار على باقى المحافظات يبقا ازاى انا اديهم علاوة جهه منظمة بتقول مش حقهم ، يوم مايحجيلى قرار بان العلاوة حقهم يتنفذ .

    مشكله تانية بتقابل المعلمين ان بعض الادارات التعليمية مسئولى الماهيات بها يتخذون قرارات مخالفه لتعليمات المديرية للخصم من المعلمين مثل ادارتى ابوقرقاص وملوى ؟

    وجاء رد عزب - احيانا بيبقا فيه قرار صح بيوصل بدرى لادارة ومتاخر لادارات تانيه وبالتالى بيبقا فيه فرق فى توقيت التطبيق ولكن مفيش موظف من حقه الخصم من معلم الا اذا كان خصم بقرار صح غير كدا لأ ، واضافت الاستاذه هناء خيرى بان هناك مشكله خصم حافز الاعباء الوظيفية من معلمين ملوى رغم وجود تعليمات من المديرية بصرف الحافز ولكن مدير ماهيات ملوى يتعنت فى التنفيذ وافاد السيد وكيل الوزارة بانه ينتظر مذكره للمشكله وسيتم اعطاء تعليمات بصرف الحافز ومحاسبة المتسبب فى وقفه اذا ثبت حق المعلمين فى الاعباء الوظيفية بالفعل .
    شارك لتعم الفائدة

    إرسال تعليق

     
    ‏مدرس بوك‏
    مجموعة فيسبوك · ‏١١٦٬٨٢٤‏ عضوًا
    انضمام إلى المجموعة
    مجموعة تعليمية تهتم بكل ما يخص التعليم من اخبار وكتب ومذكرات ومناهج