عاجل بدل المعلم والاعتماد وحافز الأداء علي اساسي 2018 وفرق كبير بالمرتب

عاجل بدل المعلم والاعتماد وحافز الأداء علي اساسي 2018 وفرق كبير بالمرتب

    كلام مفيد وكل واحد يفهم الأول وبعدين يطالب
    1- لعلم الجميع الأساسي بتاع اي معلم صحيح 100% وبيتحرك سنويا حسب الزيادات المقررة
    2- الاستقطاعات برضك صحيحة 100% لان مدام الأساسي بيتحرك بشكل صحيح يبقي الاستقطاعات صحيحة لأن في الاستقطاعات حاجات ثابته ملهاش دعوة بالاساسى ولا غيره مثل :النقابة .. النادي .. المستشفي

    وفيه حاجات حسب الأساسي الجديد مثل : المعاشات .. الادخار .. الزمالة .. ت ص
    وفيه حاجات حسب جملة المستحق مثل : المتغير .. تأمين المرض .. الدمغة العادية
    وفيه حاجات بتحسب علي جملة الدخل سنويا وتستقطع شهريا مثل : كسب العمل
    بمعني أن الاستقطاعات لها نظام معين تحسب عليه ولا دخل لأي أحد في تغييرها

    3- فيه أربع حاجات في المرتب وهما مربط الفرس : بدل المعلم .. بدل الاعتماد .. حافز الاداء .. حافز عادي ودول بنسب معينة لكل درجة حسب الكادر ضحكوا علينا وثبتوهم علي اساسي 30 / 6 / 2015 م والواجب والصح انهم يتحركوا سنويا مع كل زيادة جديدة للاساسي لأننا أصحاب كادر خاص ولا نخضع ماليا لقانون الخدمة المدنية يبقي في الأربعة دول مضحوك علينا من خمس سنين ده بالنسبة للمرتب

    4- أما بالنسبة المكافأة السنوية .. ومكافأة امتحانات الشهادات .. والتصحيح مضحوك أيضا علينا لأن الثلاثة يحسبوا علي اساسي السنة الجديدة وليس 2015
    5- يعني ملخص كلامي : الأساسي محسوب صح .. الاستقطاعات محسوبة صح .. بدل المعلم والاعتماد وحافز الأداء والعادي والمكافات كلهم محسوبين خطأ بتثبيتهم علي الأساسي القديم 2015م المخالف لقانون الخدمة المدنية وكذلك قانون 155 يعني لا احنا تبع كادر خاص ولا تبع خدمة مدنية وممشيينا بالبركة

    6-هذا ما أردت توضيحه للزملاء المعلمين ليس المشكلة في الأساسي والاستقطاعات ولكن المشكلة في حساب الحوافز والبدلات والمكافآت
    7- لو فيه تعقيب او مناقشة من اي حد موجه مالي وإداري يسعدني ذلك
    8- اتمني من الله أن يفهم الجميع ماوضحت

    أ/ ‏رجب مزاري أبو عبدالرحمن

    1. كل المعلمين عارفين ده كويس ولاننا غير خاضعين قانون الخدمة المدنية بيتعمل لنا سنويا قانون ربط الموازنة ونفس الماده بتاعة تجميد الحوافز والمكافات والبدلات على اساس 2014 تضاف سنويا فى قانون ربط الموازنة هى دى المشكله ومجلس النواب بيوافق سنويا

      ردحذف
    2. ايهعلاايه العنوان فى المقال بمضمونه المقال بيتكلم على خطأ محاسبتنا على اساسى ٢٠١٤
      والعنوان بيقول زيادة كبيرة واساس ٢٠١٨
      بلاش تلاعب

      ردحذف